ദക്ഷിണാഫ്രിക്കയ്ക്ക് എതിരായ ട്വന്റി-20 ക്രിക്കറ്റ് പരമ്പരയിലെ രണ്ടാം മത്സരം മഴ ഭീഷണിയില്‍.... മഴ പെയ്താല്‍ സമയനഷ്ടം കൂടാതെ കളി പുനരാരംഭിക്കാനുള്ള എല്ലാ സജ്ജീകരണങ്ങളും ഒരുക്കിയിട്ടുണ്ടെന്ന് സംഘാടകര്‍

ഗോഹട്ടിയിലെ മത്സരം മഴ മൂലം തടസപ്പെട്ടേക്കാം. ഇടിയോടുകൂടിയ ശക്തമായ മഴ ഉണ്ടാകുമെന്നാണ് കാലാവസ്ഥാ വകുപ്പിന്റെ മുന്നറിയിപ്പുള്ളത്. മൂന്ന് മണിക്കൂര്‍ മഴ പ്രതീക്ഷിക്കുന്നതായി കാലാവസ്ഥാ വകുപ്പ് പറയുന്നു.

ബര്‍സപാര സ്റ്റേഡിയത്തിലെ ടിക്കറ്റുകള്‍ വിറ്റുതീര്‍ന്നെങ്കിലും മത്സരം നടക്കാതിരിക്കാനാണ് സാധ്യത. ഇവിടെ നടന്ന അവസാന രാജ്യാന്തര മത്സരവും മഴ മൂലം ഉപേക്ഷിച്ചിട്ടുണ്ടായിരുന്നു.