ട്വന്റി 20 ലോകകപ്പിലെ സൂപ്പര്‍-12 മത്സരങ്ങള്‍ക്ക് ഇന്ന് തുടക്കമാവും. ആതിഥേയരായ ഓസ്‌ട്രേലിയ ഇന്ത്യന്‍ സമയം ഉച്ചയ്ക്ക് പന്ത്രണ്ടരയ്ക്ക് ന്യൂസിലന്‍ഡിനെ നേരിടും.

സിഡ്നി ക്രിക്കറ്റ് ഗ്രൗണ്ടിലാണ് മത്സരം. പരുക്കേറ്റ വിക്കറ്റ് കീപ്പര്‍ ജോഷ് ഇന്‍ഗ്ലിസിന് പകരം ഓസ്‌ട്രേലിയ ഓള്‍റൗണ്ടര്‍ കാമറൂണ്‍ ഗ്രീനിനെ ടീമില്‍ ഉള്‍പ്പെടുത്തി.

ഇംഗ്ലണ്ടിനെതിരെ പരമ്പര തോറ്റ ഓസ്‌ട്രേലിയ സന്നാഹമത്സരത്തില്‍ ഇന്ത്യയോടും തോല്‍വി രുചിച്ചാണ് ലോകകപ്പിനൊരുങ്ങുന്നത്. ന്യൂസിലന്‍ഡ് സന്നാഹമത്സരത്തില്‍ ദക്ഷിണാഫ്രിക്കയെ തോല്‍പ്പിച്ചപ്പോള്‍ ഇന്ത്യക്കെതിരായ മത്സരം മഴ മൂലം ഉപേക്ഷിച്ചു. ന്യൂസിലന്‍ഡ്- ഓസ്‌ട്രേലിയ മത്സരത്തിനും മഴഭീഷണിയുണ്ട്.

ഇന്നത്തെ രണ്ടാംമത്സരത്തില്‍ അഫ്ഗാനിസ്ഥാനെ ഇംഗ്ലണ്ട് നേരിടും. പെര്‍ത്തില്‍ വൈകീട്ട് നാലരയ്ക്കാണ് കളി ആരംഭിക്കുക.