കഴിഞ്ഞ ദിവസം നടന്ന ഇന്ത്യ-പാക് കളിയാണ് ഇപ്പോഴത്തെ ചൂടൻ വിഷയം. സിനിമയെ വെല്ലുന്ന ക്ലൈമാക്സ് നൽകി ആരാധകരെ ഒന്നടങ്കം ത്രസിപ്പിക്കുകയാണ് ഇന്ത്യയുടെ ചുണക്കുട്ടികൾ ചെയ്തത്. ഇപ്പോഴിതാ ചൊറിഞ്ഞ’ പാക് ആരാധകന് മറുപടി നൽകി ഗൂഗിൾ സിഇഒ സുന്ദർ പിച്ചൈ രംഗത്ത് എത്തിയിരിക്കുകയാണ്. ഇന്നലെ പാകിസ്താനെതിരെ അവസാന മൂന്ന് ഓവർ കണ്ട് ദീപാവലി ആഘോഷിച്ചു എന്ന സുന്ദർ പിച്ചൈയുടെ ട്വീറ്റിൽ മറുപടിയുമായെത്തിയ പാക് ആരാധകനാണ് സുന്ദർ പിച്ചൈ മറുപടി നൽകിയിരിക്കുന്നത്. പിച്ചൈയുടെ മറുപടി നിലവിൽ സമൂഹമാധ്യമങ്ങളിൽ വൈറലാണ്.

അതോടൊപ്പം തന്നെ ടി-20 ലോകകപ്പിലെ ആദ്യ മത്സരത്തിൽ പാകിസ്താനെതിരെ ഇന്ത്യ ത്രസിപ്പിക്കുന്ന ജയമാണ് നേടിയത്. 4 വിക്കറ്റിനാണ് പാകിസ്താനെ ഇന്ത്യ കീഴടക്കിയത്. പാകിസ്താൻ മുന്നോട്ടുവച്ച 160 റൺസ് വിജയലക്ഷ്യം പിന്തുടർന്നിറങ്ങിയ ഇന്ത്യ അവസാന പന്തിൽ 6 വിക്കറ്റ് നഷ്ടപ്പെടുത്തിക്കൊണ്ടാണ് വിജയം കണ്ടത്. 53 പന്തിൽ 82 റൺസെടുത്ത് പുറത്താവാതെ നിന്ന വിരാട് കോലിയാണ് ഇന്ത്യയുടെ ടോപ്പ് സ്കോററായി മാറി. പാകിസ്താനു വേണ്ടി ഹാരിസ് റൗഫും മുഹമ്മദ് നവാസും 2 വിക്കറ്റ് വീതം വീഴ്ത്തി.

അതേസമയം ആദ്യം ബാറ്റ് ചെയ്ത പാകിസ്താൻ നിശ്ചിത 20 ഓവറിൽ 8 വിക്കറ്റ് നഷ്ടപ്പെടുത്തി 159 റൺസാണ് നേടിയത്. 52 റൺസെടുത്ത് പുറത്താവാതെ നിന്ന ഷാൻ മസൂദ് ആണ് പാകിസ്താൻ്റെ ടോപ്പ് സ്കോറർ. ഇഫ്തിക്കാർ അഹ്‌മദും (51) പാകിസ്താനു വേണ്ടി തിളങ്ങിയിരുന്നു. ഇന്ത്യക്ക് വേണ്ടി അർഷ്ദീപ് സിംഗും ഹാർദിക് പാണ്ഡ്യയും മൂന്ന് വിക്കറ്റ് വീതംവീഴ്ത്തുകയും ചെയ്തു.