സിംബാബ്‌വെയോട് തോറ്റതിന് പിന്നാലെ തറയിലിരുന്ന് പൊട്ടിക്കരഞ്ഞ് പാക്ക് താരം; വീഡിയോ
ട്വന്റി20 ലോകകപ്പില്‍ സിംബാബ്‌വെയ്‌ക്കെതിരായ ഞെട്ടിക്കുന്ന തോല്‍വിക്കു പിന്നാലെ നിലത്തിരുന്നു പൊട്ടിക്കരഞ്ഞ് പാക്കിസ്ഥാന് ക്രിക്കറ്റ് താരം ശതബ് ഖാന്‍. പാക്കിസ്ഥാന് തോറ്റതിനു പിന്നാലെ പവലിയനില്‍ മുട്ടുകുത്തിയിരുന്നു കരയുന്ന ശതബ് ഖാന്റെ ദൃശ്യങ്ങള്‍ കഴിഞ്ഞ ദിവസമാണു പുറത്തുവന്നത്.
ടീം അംഗങ്ങളില്‍ ഒരാള്‍ താരത്തെ ആശ്വസിപ്പിക്കുന്നതും ദൃശ്യങ്ങളിലുണ്ട്. മത്സരം കാണാനെത്തിയ ആരാധകനാണ് താരത്തിന്റെ വിഡിയോ പകര്‍ത്തിയത്. ശതബ് ഖാന്‍ കരയുന്ന വിഡിയോ സമൂഹമാധ്യമങ്ങളില്‍ വൈറലാണ്. സിംബാബ്!വെയ്‌ക്കെതിരായ മത്സരത്തില്‍ ശതബ് ഖാന്‍ 17 റണ്‍സാണ് നേടിയത്. മത്സരത്തില്‍ ആദ്യം ബാറ്റു ചെയ്ത സിംബാബ്!വെ 131 റണ്‍സ് വിജയലക്ഷ്യമാണ് ഉയര്‍ത്തിയത്. എട്ടു വിക്കറ്റ് നഷ്ടത്തില്‍ 129 റണ്‍സെടുക്കാനേ പാക്കിസ്ഥാനു സാധിച്ചുള്ളൂ.
ഞായറാഴ്ചത്തെ മത്സരത്തില്‍ പാക്കിസ്ഥാന് നെതര്‍ലന്‍ഡ്‌സിനെ നേരിടും. ഇനിയുള്ള മൂന്നു മത്സരങ്ങളില്‍ ഒന്നില്‍ കൂടി തോറ്റാല്‍ പാക്കിസ്ഥാന്റെ സെമി പ്രവേശം പ്രതിരോധത്തിലാകും. ലോകകപ്പിലെ ആദ്യ മത്സരത്തില്‍ പാക്കിസ്ഥാനെ ഇന്ത്യ നാലു വിക്കറ്റിനു തോല്‍പിച്ചിരുന്നു. രണ്ടാം മത്സരത്തില്‍ സിംബാബ്!വെ ഒരു റണ്ണിനു പാക്കിസ്ഥാനെ കീഴടക്കി.
തോറ്റതിനു പിന്നാലെ ക്യാപ്റ്റന്‍ ബാബര്‍ അസമിനെതിരെ രൂക്ഷവിമര്‍ശനവുമായി പാക്കിസ്ഥാന് മുന്‍ പേസര്‍ ശുഐബ് അക്തര്‍. പാക്കിസ്ഥാനു മോശം ക്യാപ്റ്റനാണുള്ളതെന്നും അവര്‍ ലോകകപ്പില്‍നിന്നു പുറത്തായതായും അക്തര്‍ യുട്യൂബ് വി!ഡിയോയില്‍ പ്രതികരിച്ചു. ''നിങ്ങള്‍ക്ക് എന്തുകൊണ്ടാണ് ഇതു മനസ്സിലാകാത്തതെന്ന് എനിക്കറിയില്ല. ഞാനിതു മുന്‍പും പറഞ്ഞിട്ടുണ്ട്. ഒരിക്കല്‍ കൂടി പറയുകയാണ്. ബാറ്റിങ്ങിലെ പാക്കിസ്ഥാന്റെ മുന്‍നിര, മധ്യനിര താരങ്ങളെവച്ച് നമുക്കു തുടര്‍ച്ചയായി വിജയിക്കാനാകില്ല''– അക്തര്‍ പ്രതികരിച്ചു.
''പാക്കിസ്ഥാന് ഒരു മോശം ക്യാപ്റ്റനാണുള്ളത്. അവര്‍ ലോകകപ്പില്‍നിന്നു പുറത്തായി. മുഹമ്മദ് നവാസ് അവസാന ഓവറുകള്‍ എറിഞ്ഞ മൂന്ന് മത്സരങ്ങളും നമ്മള്‍ തോറ്റതാണ്. ബാബര്‍ അസം വണ്‍ ഡൗണായി ബാറ്റിങ്ങിന് ഇറങ്ങണം. ഷഹീന്‍ അഫ്രീദിയുടെ ഫിറ്റ്‌നസിലും പ്രശ്‌നങ്ങളുണ്ട്. ക്യാപ്റ്റന്‍സിയിലും മാനേജ്‌മെന്റിലും പ്രശ്‌നങ്ങളുണ്ട്. ഞങ്ങള്‍ നിങ്ങനെ പിന്തുണയ്ക്കും, പക്ഷേ എന്തു തരം ക്രിക്കറ്റാണു നിങ്ങള്‍ കളിക്കുന്നത്?''
എതിരാളികള്‍ നമ്മെ വിജയിപ്പിക്കുമെന്നു കരുതരുതെന്നും അക്തര്‍ വ്യക്തമാക്കി. ഞായറാഴ്ചത്തെ മത്സരത്തില്‍ പാക്കിസ്ഥാന് നെതര്‍ലന്‍ഡ്‌സിനെ നേരിടും. ഈ കളി കൂടി തോറ്റാല്‍ പാക്കിസ്ഥാന് ലോകകപ്പില്‍നിന്നു പുറത്താകും. ലോകകപ്പിലെ ആദ്യ മത്സരത്തില്‍ പാക്കിസ്ഥാനെ ഇന്ത്യ നാലു വിക്കറ്റിനു തോല്‍പിച്ചിരുന്നു. രണ്ടാം മത്സരത്തില്‍ സിംബാബ്!വെ ഒരു റണ്ണിനു പാക്കിസ്ഥാനെ കീഴടക്കി.
https://www.facebook.com/Malayalivartha
