ഡോണ് വി മിസ് യു, രാഹുലിന് പകരം സഞ്ജുവിനെ ഇറക്കണം; തകര്ത്തടിച്ച് സഞ്ജുവും
ദക്ഷിണാഫ്രിക്കക്കെതിരെയുള്ള ഏകദിന പരമ്പരയിലെ മിന്നുന്ന ഫോമും ഐപിഎല് പരിചയവുമുള്ള സ!ഞ്ജുവിനെ എന്തുകൊണ്ട് ടീമിലെടുത്തില്ല എന്ന വിമര്ശനം നേരത്തെയുയര്ന്നിരുന്നു. ദക്ഷിണാഫ്രിക്കക്കെതിരെ നാട്ടില് നടന്ന ടി20 പരമ്പരയിലും സഞ്ജു പുറത്തായിരുന്നു.
ഓസ്ട്രേലിയയില് ട്വന്റി20 ലോകകപ്പ് പൊടിപൊടിക്കുമ്പോള് ട്വിറ്ററില് ഇന്ന് സഞ്ജു വി സാസണായിരുന്നു ട്രെന്ഡിങ്ങില്. ഇപ്പോള് ആഭ്യന്തര ടൂര്ണമെന്റില് കളിക്കുന്ന സഞ്ജുവും ലോകകപ്പും എന്ത് ബന്ധമെന്ന് കരുതുന്നുവെങ്കില് അവിടെയാണ് കാര്യം. ട്വന്റി20 ലോകകപ്പില് തുടര്ച്ചയായ മൂന്നാം മത്സരത്തിലും കെ.എല്. രാഹുല് നിരാശപ്പെടുത്തിയതോടെയാണ് സഞ്ജുവിനെക്കുറിച്ചുള്ള ചര്ച്ച ട്വിറ്ററില് വീണ്ടും ചര്ച്ചയായത്.
രാഹുലിന് പകരം സഞ്ജുവിനെ ടീമില് ഉള്പ്പെടുത്തണമെന്നാണ് ആരാധകരുടെ ആവശ്യം. തുടര്ച്ചയായ മൂന്നാം മത്സരത്തിലും കെ.എല്. രാഹുല് പരാജയമായിരുന്നു. പാകിസ്ഥാനെതിരെയുള്ള ആദ്യ മത്സരത്തില് നാല് റണ്സായിരുന്നു സമ്പാദ്യം. ദുര്ബലരായ നെതര്ലന്ഡ്സിനെതിരെപ്പോലും രാഹുലിന് താളം കണ്ടെത്താനായില്ല. വെറും ഒമ്പത് റണ്സെടുത്ത് പുറത്തായി. ദക്ഷിണാഫ്രിക്കക്കെതിരെയും ഒമ്പത് റണ്സായിരുന്നു രാഹുലിന്റെ സ്കോര്. ഇതുവരെ താരത്തിന് രണ്ടക്കം കടക്കാനായില്ല. തുടക്കത്തില് തന്നെ ബോളുകള് പാഴാക്കി വിക്കറ്റ് കളയുന്നതിലൂടെ ടീമിനെ ഒന്നടങ്കം രാഹുല് സമ്മര്ദ്ദത്തിലാക്കുന്നുവെന്ന വിമര്ശനവും ഉയരുന്നു. രാഹുലിനെ അത്രയും വിശ്വസിച്ചാണ് ടീമില് എടുത്തത്. അതുകൊണ്ട് തന്നെ സ്ക്വാഡില് വേറെ ഓപ്പണര്മാരെയും ഉള്പ്പെടുത്തിയില്ല.
ദക്ഷിണാഫ്രിക്കക്കെതിരെയുള്ള ഏകദിന പരമ്പരയിലെ മിന്നുന്ന ഫോമും ഐപിഎല് പരിചയവുമുള്ള സ!ഞ്ജുവിനെ എന്തുകൊണ്ട് ടീമിലെടുത്തില്ല എന്ന വിമര്ശനം നേരത്തെയുയര്ന്നിരുന്നു. ദക്ഷിണാഫ്രിക്കക്കെതിരെ നാട്ടില് നടന്ന ടി20 പരമ്പരയിലും സഞ്ജു പുറത്തായിരുന്നു. സയ്യിദ് മുഷ്താഖ് അലി ടൂര്ണമെന്റിലും സഞ്ജു ഫോമിലാണ്. ലോകകപ്പില് ഡോണിനെ മിസ് ചെയ്യുന്നുവെന്നാണ് സഞ്ജുവിനെക്കുറിച്ച് ആരാധകന് പറഞ്ഞത്. ഇഷാന് കിഷനെയും രാഹുലിന് പകരം പരി?ഗണിക്കണമെന്ന് ആവശ്യമുയരുന്നുണ്ട്.
സയ്യിദ് മുഷ്താഖ് അലി ട്രോഫി ട്വന്റി 20 ടൂര്ണമെന്റില് സൗരാഷ്ട്രയോട് തോറ്റ് കേരളം പ്രീക്വാര്ട്ടറില് പുറത്ത്. 9 റണ്സ് വിജയവുമായി സൗരാഷ്ട്ര ക്വാര്ട്ടറിലെത്തി. നായകന് സഞ്ജു സാംസണിന്റെയും സച്ചിന് ബേബിയുടേയും അര്ധസെഞ്ചുറികള് കേരളത്തെ തുണച്ചില്ല. 184 റണ്സ് വിജയലക്ഷ്യം പിന്തുടര്ന്ന കേരളത്തിന് 20 ഓവറില് നാല് വിക്കറ്റിന് 174 റണ്സെടുക്കാനേ കഴിഞ്ഞുള്ളൂ. സഞ്ജു 38 പന്തില് 59 റണ്സെടുത്ത് പുറത്തായതോടെ കേരളം പതറുകയായിരുന്നു. 11 ഓവറില് 100 കടന്നിട്ടും കേരളത്തിന് ഫിനിഷിംഗ് പിഴച്ചു.
മറുപടി ബാറ്റിംഗില് ഓപ്പണ!ര് മുഹമ്മദ് അസ്ഹറുദ്ദീനെ ഇന്നിംഗ്സിലെ നാലാം പന്തില് കേരളത്തിന് നഷ്ടമായിരുന്നു. മറ്റൊരു ഓപ്പണര് രോഹന് കുന്നുമ്മല് 18 പന്തില് 22 റണ്സ് നേടി. പിന്നാലെ ക്രീസിലൊന്നിച്ച സഞ്ജു സാംസണും സച്ചിന് ബേബിയും 98 റണ്സിന്റെ കൂട്ടുകെട്ടുണ്ടാക്കിയതോടെ കേരളം പ്രതീക്ഷയിലായി. 16ാം ഓവറിലെ ആദ്യ പന്തില് സഞ്ജു(38 പന്തില് 59) ക്യാച്ചിലൂടെ പുറത്തായത് കേരളത്തിന് തിരിച്ചടിയായി. സഞ്ജു പുറത്താകുമ്പോള് 15.1 ഓവറില് ടീം സ്കോര് 129ലെത്തിയിരുന്നു. പക്ഷേ പിന്നീട് ആര്ക്കും ഫിനിഷിംഗ് ചെയ്യാനായില്ല. സച്ചിന് ബേബി(47 പന്തില് 64*) അര്ധസെഞ്ചുറിയുമായി പുറത്താകാതെ നിന്നെങ്കിലും ഫലമുണ്ടായില്ല. അബ്ദുള് ബാസിത് 7 പന്തില് 12 റണ്സില് മടങ്ങി. സച്ചിനൊപ്പം വിഷ്ണു വിനോദ് 7 പന്തില് 12* റണ്സുമായി പുറത്താകാതെ നിന്നു.
https://www.facebook.com/Malayalivartha