ന്യൂസിലന്‍ഡിനെതിരായ മൂന്നാം ഏകദിന മത്സരത്തില്‍ ഇന്ത്യയ്ക്ക് ബാറ്റിങ്ങ്. ടോസ് നേടിയ ന്യൂസിലന്‍ഡ് ഫീല്‍ഡിങ്ങ് തെരഞ്ഞെടുക്കുകയായിരുന്നു. ഇന്ത്യ അന്തിമ ഇലവനില്‍ സഞ്ജു സാംസണെ ഉള്‍പ്പെടുത്തിയില്ല.


ശിഖര്‍ ധവാന്‍, ശുഭ്മാന്‍ ഗില്‍, ശ്രേയസ് അയ്യര്‍, ഋഷഭ് പന്ത്, സൂര്യകുമാര്‍ യാദവ്, ദീപക് ഹൂഡ, വാഷിങ്ടണ്‍ സുന്ദര്‍, ദീപക് ചാഹര്‍, ഉമ്രാന്‍ മാലിക്, അര്‍ഷ്ദീപ് സിങ്ങ്, യൂസ്വേന്ദ്ര ചാഹല്‍ എന്നിവരാണ് അന്തിമ ഇലവനില്‍ ഇടംപിടിച്ചത്.

ആദ്യ ഏകദിനത്തില്‍ സഞ്ജു കളിച്ചിരുന്നു. എന്നാല്‍ രണ്ടാം ഏകദിനത്തില്‍ സഞ്ജുവിനെ കളിപ്പിച്ചിരുന്നില്ല. ഇതിനെതിരെ രൂക്ഷ വിമര്‍ശനം ഉയര്‍ന്നിരുന്നു. ആദ്യ ഏകദിനം ന്യൂസിലന്‍ഡ് വിജയിച്ചപ്പോള്‍, രണ്ടാം ഏകദിനം മഴ മൂലം ഉപേക്ഷിക്കുകയാണുണ്ടായത്.