ബംഗ്ലാദേശ് - ഇന്ത്യ പരമ്പരയിലെ രണ്ടാം ഏകദിനത്തില്‍ ഇന്ത്യക്ക് ബൗളിംഗ്. ടോസ് നേടിയ ബംഗ്ലാ നായകന്‍ ലിറ്റണ്‍ ദാസ് ബാറ്റിംഗ് തെരഞ്ഞെടുക്കുകയായിരുന്നു.

ഹസന്‍ മഹ്മൂദിന് പകരം നസും അഹ്മദ് ബംഗ്ലാ നിരയില്‍ ഇടംനേടിയപ്പോള്‍ ഷഹ്ബാസ് അഹ്മദ്, കുല്‍ദീപ് സെന്‍ എന്നിവര്‍ക്ക് പകരം അക്‌സര്‍ പട്ടേല്‍, ഉമ്രാന്‍ മാലിക് എന്നിവര്‍ നീലപ്പടയ്ക്കായി കളത്തിലിറങ്ങുകയും ചെയ്യും.

ആദ്യ ഏകദിനത്തില്‍ പരാജയപ്പെട്ട ഇന്ത്യക്ക് മൂന്ന് മത്സര പരമ്പര നഷ്ടമാവാതിരിക്കാനായി ജയം അനിവാര്യമാണ്.