ബംഗ്ലാദേശ് പരമ്പരയിലെ ആദ്യ ടെസ്റ്റില്‍ ഇന്ത്യക്ക് 254 റണ്‍സിന്റെ ലീഡ്. 133-8 എന്ന നിലയില്‍ മൂന്നാം ദിവസം ബാറ്റിംഗ് ആരംഭിച്ച ബംഗ്ലാദേശ് 150 റണ്‍സിന് ഓള്‍ഔട്ടായി.

കുല്‍ദീപ് യാദവ് അഞ്ച് വിക്കറ്റ് നേടിയാണ് ഇന്നിംഗ്‌സ് അവസാനിപ്പിച്ചത്. ക്രീസിലുണ്ടായിരുന്ന ഇബാദത്ത് ഹുസൈന്‍(17), മെഹ്ദി ഹസന്‍(25) എന്നിവര്‍ പെട്ടെന്ന് പുറത്തായതോടെ മൂന്നാം ദിനത്തില്‍ പോരാട്ടം ആരംഭിച്ച് അര മണിക്കൂറിനുള്ളില്‍ ബംഗ്ലാ ഇന്നിംഗ്‌സ് അവസാനിച്ചു.

ഹുസൈനെ റിട്ടേണ്‍ കാച്ചിലൂടെ പുറത്താക്കിയാണ് കുല്‍ദീപ് അഞ്ച് വിക്കറ്റ് നേട്ടത്തിലെത്തിയത്. അക്‌സര്‍ പട്ടേലിന്റെ പന്തില്‍ മെഹ്ദി ഹസനെ വിക്കറ്റ് കീപ്പര്‍ ഋഷഭ് പന്ത് സ്റ്റംപ് ചെയ്തതോടെ ബംഗ്ലാ പതനം പൂര്‍ത്തിയായി.

മത്സരം അവസാനിക്കാന്‍ രണ്ടര ദിവസം കൂടി ശേഷിക്കേയാണ് , രണ്ടാം ഇന്നിംഗ്‌സില്‍ മികച്ച സ്‌കോര്‍ പടുത്തുയര്‍ത്തി വന്‍ വിജയം സ്വന്തമാക്കാനാണ് ഇന്ത്യയുടെ ശ്രമം.