ബംഗ്ലാദേശിനെതിരായ ടെസ്റ്റ് പരന്പര തൂത്തുവാരാന്‍ ഇന്ത്യ ഇന്നിറങ്ങും. ആദ്യ ടെസ്റ്റ് വിജയിച്ച നീലപ്പട സമ്പൂര്‍ണ വിജയം ലക്ഷ്യമിട്ടാണ് രണ്ടാം ടെസ്റ്റിന് മിര്‍പുരില്‍ ഇറങ്ങുന്നത്. ഈ വര്‍ഷത്തെ ഇന്ത്യയുടെ അവസാന അന്താരാഷ്ട്ര മത്സരമാണിത്.


പരുക്കിനെത്തുടര്‍ന്നു പുറത്തായ ക്യാപ്റ്റന്‍ രോഹിത് ശര്‍മയ്ക്കു പകരം കെ.എല്‍.രാഹുലാണ് ടീമിനെ നയിക്കുന്നത്. ഉപനായകന്‍ ചേതേശ്വര്‍ പൂജാര, ശുഭ്മന്‍ ഗില്‍, ശ്രേയസ് അയ്യര്‍ എന്നിവരുടെ ഫോം ബാറ്റിംഗിലും കുല്‍ദീപ് യാദവ്, മുഹമ്മദ് സിറാജ്, അക്‌സര്‍ പട്ടേല്‍ എന്നിവരുടെ മികവ് ബൗളിംഗിലും ഇന്ത്യക്കു കരുത്തേകും.