രഞ്ജിട്രോഫി മൂന്നാം മത്സരത്തില്‍ കേരളം ചൊവ്വാഴ്ച കരുത്തരായ ഛത്തിസ്ഗഢിനെ നേരിടും. ആദ്യ മത്സരത്തില്‍ ഝാര്‍ഖണ്ഡിനെ പരാജയപ്പെടുത്തിയ കേരളം രണ്ടാം മത്സരത്തില്‍ രാജസ്ഥാനോട് സമനില വഴങ്ങിയിരുന്നു.

ഇതോടെ ഏഴ് പോയന്റുമായി ഗ്രൂപ് സിയില്‍ മൂന്നാം സ്ഥാനത്താണ് കേരളം. രണ്ടു കളിയില്‍നിന്ന് രണ്ടു വിജയവുമായി 13 പോയന്റുമായി ഛത്തിസ്ഗഢ് ഒന്നാം സ്ഥാനത്തും 10 പോയന്റുമായി കര്‍ണാടക രണ്ടാം സ്ഥാനത്തുമാണ്.

പുതുച്ചേരിയെയും സര്‍വിസസിനെയും തകര്‍ത്തെറിഞ്ഞ ഛത്തിസ്ഗഢിനെ സ്വന്തം തട്ടകത്തില്‍ മലര്‍ത്തിയടിക്കാമെന്ന പ്രതീക്ഷയിലാണ് ക്യാപ്റ്റന്‍ സഞ്ജു വി. സാംസണും കൂട്ടരും തുമ്പ സെന്റ് സേവിയേഴ്‌സ് ഗ്രൗണ്ടില്‍ ഇറങ്ങുന്നത്.