ശ്രീലങ്കയ്ക്കെതിരായ ട്വന്റി20 ടീമില് ഇടംനേടി മലയാളി താരം സഞ്ജു സാംസണും... ജനുവരി മൂന്നിന് ആരംഭിക്കുന്ന ട്വന്റി 20 പരമ്പരയ്ക്കുള്ള ടീമിനെ ഓള്റൗണ്ടര് ഹാര്ദിക് പാണ്ഡ്യ നയിക്കും
ശ്രീലങ്കയ്ക്കെതിരായ ട്വന്റി20 ടീമില് മലയാളി താരം സഞ്ജു സാംസണും ഇടംനേടി. ഓള് റൗണ്ടര് ഹാര്ദിക് പണ്ഡ്യയാണ് ക്യാപ്റ്റന്. കെ.എല്. രാഹുല്, രോഹിത് ശര്മ, വിരാട് കോഹ്ലി തുടങ്ങിയ മുതിര്ന്ന താരങ്ങളെ ഉള്പ്പെടുത്തിയിട്ടില്ല.
ഏകദിന ടീമിനെ രോഹിത് ശര്മ തന്നെ നയിക്കും. ജനുവരി മൂന്നിന് ആരംഭിക്കുന്ന ട്വന്റി20 ടൂര്ണമെന്റില് മൂന്ന് മത്സരങ്ങളാണുള്ളത്. ഏകദിന മത്സരങ്ങള് ജനുവരി 10 ന് ആരംഭിക്കും. ഏകദിനത്തില് സഞ്ജുവിന് ഇടം നല്കിയിട്ടില്ല. വിക്കറ്റ് കീപ്പര് ബാറ്റര് ഋഷഭ് പന്തിനെ ട്വന്റി20യില്നിന്നും ഏകദിനത്തില്നിന്നും ഒഴിവാക്കിയതാണ് മറ്റൊരു പ്രത്യേകത.
ട്വന്റി20യില് ഇഷാന് കിഷന് വിക്കറ്റ് കീപ്പറാകുമ്പോള് ഏകദിനത്തില് കെ.എല്. രാഹുലിനെയും ഇഷാനെയും വിക്കറ്റ് കീപ്പര്മാരായി ഉള്പ്പെടുത്തി.
ട്വന്റി20 ടീം: ഹാര്ദിക് പാണ്ഡ്യ (ക്യാപ്റ്റന്), ഇഷാന് കിഷന് (വിക്കറ്റ് കീപ്പര്), ഋതുരാജ് ഗെയ്ക്വാദ്, ശുഭ്മാന് ഗില്, സൂര്യകുമാര് യാദവ്, ദീപക് ഹൂഡ, രാഹുല് ത്രിപാഠി, സഞ്ജു സാംസണ്, വാഷിംഗ്ടണ് സുന്ദര്, യുസ്വേന്ദ്ര ചാഹല്, അക്സര് പട്ടേല്, അര്ഷ്ദീപ് സിംഗ്, ഹര്ഷല് പട്ടേല്, ഉമ്രാന് മാലിക് , ശിവം മാവി, മുകേഷ് കുമാര്.
ഏകദിന ടീം: രോഹിത് ശര്മ (ക്യാപ്റ്റന്), ശുഭ്മാന് ഗില്, വിരാട് കോഹ്ലി, സൂര്യകുമാര് യാദവ്, ശ്രേയസ് അയ്യര്, കെ.എല്. രാഹുല് (വിക്കറ്റ് കീപ്പര്), ഇഷാന് കിഷന് (വിക്കറ്റ് കീപ്പര്), ഹാര്ദിക് പാണ്ഡ്യ, വാഷിംഗ്ടണ് സുന്ദര്, യുസ്വേന്ദ്ര ചാഹല്, കുല്ദീപ് യാദവ്, അക്സര് പട്ടേല്, മുഹമ്മദ് ഷമി, മൊഹമ്മദ് സിറാജ്, ഉമ്രാന് മാലിക്, അര്ഷ്ദീപ് സിംഗ്. എന്നിങ്ങനെയാണ്.
https://www.facebook.com/Malayalivartha
