മികവ് തെളിയിക്കാനും ടീമിലെ സ്ഥിര സാന്നിധ്യം ഉറപ്പിക്കാനും സഞ്ജു സാംസണിന് ഇതാ സുവര്‍ണാവസരം. ഇന്ന് ആരംഭിക്കുന്ന ഇന്ത്യ-ശ്രീലങ്ക ട്വന്റി-20 പരന്പരയിലെ മൂന്നു മത്സരങ്ങളിലും മലയാളി താരത്തിന് അവസരം ലഭിച്ചേക്കും എന്നാണ് സൂചന. താരം മധ്യനിരയില്‍ കളിക്കാനാണ് സാധ്യതയേറെയുള്ളത്.

ഹാര്‍ദിക് പാണ്ഡ്യയുടെ കീഴില്‍ ഇറങ്ങുന്ന ടീമിന്റെ ബൗളിംഗ് ഡിപ്പാര്‍ട്ട്‌മെന്റിനെ നയിക്കുന്നത് അര്‍ഷ്ദീപ് സിംഗാണ്.


രാത്രി 7ന് മുംബൈ വാങ്കഡെ സ്റ്റേഡിയത്തിലാണ് മത്സരം. രോഹിത് ശര്‍മ, വിരാട് കോഹ്ലി, കെ.എല്‍. രാഹുല്‍, ശ്രേയസ് അയ്യര്‍, ഋഷഭ് പന്ത്, രവീന്ദ്ര ജഡേജ, ജസ്പ്രീത് ബുംറ, ഭുവനേശ്വര്‍ കുമാര്‍, ആര്‍. അശ്വിന്‍, മുഹമ്മദ് ഷമി എന്നിങ്ങനെ ടീമിലെ സ്ഥിരം മുഖങ്ങള്‍ ഇല്ലാതെയാണ് ഇന്ത്യ ഇറങ്ങുന്നത്.