ചാമ്പ്യന്സ് ലീഗ് ഫുട്ബോള് ആദ്യപാദ ക്വാര്ട്ടറില് നിലവിലെ ചാമ്പ്യന്മാരായ റയല് മാഡ്രിഡിനെ തുരത്തി ആഴ്സണല് മുന്നേറ്റം...
ചാമ്പ്യന്സ് ലീഗ് ഫുട്ബോള് ആദ്യപാദ ക്വാര്ട്ടറില് നിലവിലെ ചാമ്പ്യന്മാരായ റയല് മാഡ്രിഡിനെ തുരത്തി ആഴ്സണല് മുന്നേറ്റം. ആഴ്സണലിന്റെ തട്ടകമായ എമിറേറ്റ്സ് സ്റ്റേഡിയത്തില് നടന്ന മത്സരത്തില് മറുപടിയില്ലാത്ത മൂന്ന് ഗോളിനാണ് ടീം റയലിനെ തളച്ചത്.
കളിയുടെ രണ്ടാം പകുതിയിലാണ് മൂന്നു ഗോളുകളും പിറന്നത്. ഡെക്ലാന് റൈസ് ഇരു ഗോളുകളും മൈക്കല് മെറിനോ ഒരു ഗോളും നേടി.
58-ാം മിനിറ്റില് ലഭിച്ച ഫ്രീകിക്ക് അതിമനോഹരമായി ഡെക്ലാന് റൈസ് പോസ്റ്റിലെത്തിക്കുകയായിരുന്നു.
വളഞ്ഞെത്തിയ പന്ത് നോക്കി നില്ക്കാനെ ഗോളിക്കായുള്ളൂ. ലീഡ് നേടിയതോടെ ആഴ്സണസല് കൂടുതല് ശക്തമായ മുന്നേറ്റം നടത്തി. റയല് ഗോളിയുടെ മികവാണ് ഗോളുകള് അകറ്റി നിര്ത്തിയത്.
70-ാം മിനിറ്റില് സമാനമായ ഫ്രീകിക്ക് ഗോളിലൂടെ ഡെക്ലാന് റൈസ് ടീം ലീഡ് വീണ്ടും ഉയര്ത്തുകയായിരുന്നു. 75-ാം മിനിറ്റില് മൈക്കല് മെറിനോയിലൂടെ ആഴ്സണല് ആദിപത്യം ഉറപ്പിച്ചു.കളിയുടെ അവസാന നിമിഷം രണ്ടു മഞ്ഞകാര്ഡ് കണ്ട് ചുവപ്പുകാര്ഡ് നേടി റയല് താരം എഡ്വേര്ഡ് കാമവിംഗ പുറത്തായി.
പതിനാറാം കിരീടം ലക്ഷ്യമിട്ട് കളിക്കുന്ന റയലിന് കാര്യങ്ങള് ഇനിഅത്ര സുഖകരമാവില്ല. ഏപ്രില് 16ന് റയല് തട്ടകത്തിലാണ് രണ്ടാം പാദ മത്സരം.
https://www.facebook.com/Malayalivartha
