ഇന്ത്യന്‍ സൂപ്പര്‍ ലീഗിലെ ഒന്നാം സ്ഥാനക്കാരായ ചെന്നൈ എഫ്‌സിയെ എതിരില്ലാത്ത മൂന്ന് ഗോളിന് തകര്‍ത്ത് കേരളാ ബ്ലാസ്‌റ്റേഴ്‌സ് ആദ്യപാദ സെമിയില്‍ തങ്ങളുടെ കരുത്തറിയിച്ചു. മനോഹരമായ കളിയായിരുന്നു സ്വന്തം കാണികള്‍ക്ക് മുന്നില്‍ ബ്ലാസ്‌റ്റേഴ്‌സ് പുറത്തെടുത്തത്. ഈ ലീഗിലെ തന്നെ ബ്ലാസ്‌റ്റേഴ്‌സിന്റെ മികച്ച പ്രകടനം. 

27-ാം മിനുറ്റിലായിരുന്നു കേരളത്തിന്റെ ആദ്യ ഗോള്‍. ഇഷ്ഫാത്ത് അഹമ്മദാണ് ചെന്നൈയിന്റെ വലകുലുക്കിയത്. തൊട്ടു മുന്‍പത്തെ നിമിഷം ഓഫ് സൈഡ് വിളിച്ച ഒരു ഗോളിനു ശേഷമായിരുന്നു കേരളത്തിന്റെ മനോഹരമായ ഗോള്‍. കൊച്ചിയിലെ തിങ്ങി നിറഞ്ഞ മഞ്ഞക്കടല്‍ ആര്‍ത്തിരമ്പി. കഴിഞ്ഞില്ല തൊട്ടടുത്ത നിമിഷം തന്നെ വീണ്ടും കേരളത്തിന് ആഹ്‌ളാദിക്കാനുള്ള നിമിഷം. 29-ാം മിനിറ്റില്‍ കേരളത്തിന്റെ സൂപ്പര്‍ താരം ഹ്യൂമിന്റെ മനോഹരമായ ഗോള്‍. 
ചെന്നൈയുടെ പ്രതിരോധ നിരയില്‍ ഉണ്ടായ പിഴവ് കേരളത്തിന്റെ ഹ്യൂമേട്ടന്‍ ഗോളാക്കിമാറ്റി. കളിയുടെ അവസാന നിമിഷത്തിന്റെ അധിക സമയത്ത് മലയാളി താരം സുശാന്ത് മാത്യുവിന്റെ മനോഹരമായ ഗോളിലൂടെ കേരളത്തിന്റെ വിജയ മധുരം ഇരട്ടിയാക്കി. കേരളം ആദ്യമായാണു ഒരു കളിയില്‍ മൂന്നു ഗോള്‍ അടിക്കുന്നത്. 60900 ആളുകളാണ് കൊച്ചിയില്‍ മല്‍സരം കാണാന്‍ എത്തിയ കാണികള്‍. ഇതോടെ കൊല്‍ക്കത്തയില്‍ ഉദ്ഘാടന മത്സരത്തിനെത്തിയ കാണികളുടെ എണ്ണം ഇതോടെ കൊച്ചി മറികടന്നു. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha