തമിഴ്‌നാടിന് എതിരായ മത്സരത്തില്‍ കേരളത്തിന് ഒരു ഗോള്‍ ജയം. ഇഞ്ചുറി ടൈമിലെ മൂന്നാം മിനിറ്റില്‍ സുഹൈര്‍ ആണ് കേരളത്തിനായി ഗോള്‍ നേടിയത്. ആദ്യ മത്സരത്തില്‍ മഹാരാഷ്ട്രയെ കേരളം പരാജയപ്പെടുത്തിയിരുന്നു.
രണ്ടു കളിയിലും ജയിച്ച കേരളം ഇതോടെ പൂള്‍ എയില്‍ ഒന്നാമതായി. ഫിബ്രവരി അഞ്ചിന് ഗോവയ്ക്ക് എതിരെയാണ് ലീഗ് റൗണ്ടില്‍ കേരളത്തിന്റെ അവസാന മത്സരം.
തുടര്‍ച്ചയായ രണ്ടാം ജയത്തോടെ കേരള വനിതകളും സെമി ബെര്‍ത്ത് ഉറപ്പിച്ചിട്ടുണ്ട്. ഒഡിഷയ്ക്ക് എതിരെ ഇന്ന് വൈകിട്ട് നടന്ന മത്സരത്തില്‍ വനിതകള്‍ എതിരില്ലാത്ത മൂന്ന് ഗോളിന് ജയിച്ചു.
അഞ്ചാം മിനിറ്റില്‍ പെനാല്‍റ്റിയിലൂടെ നിഷിലയാണ് കേരളത്തെ മുന്നിലെത്തിച്ചത്. 44ാം മിനിറ്റില്‍ നിഷില തന്നെ ലീഡുയര്‍ത്തി. 69ാം മിനിറ്റില്‍ എ.വി. അശ്വതി പട്ടിക തികച്ചു. പൂളിലെ ആദ്യ മത്സരത്തില്‍ കേരളം പശ്ചിമ ബംഗാളിനെ തോല്‍പിച്ചിരുന്നു.