ഐ എസ് എല്: മുംബൈക്ക് എതിരെ ബംഗളൂരുവിന്റെ ഗോള്മഴ
ഐ എസ് എല്ലില് മുംബൈക്ക് എതിരെ ബംഗളൂരുവിന്റെ ഗോള് മഴ. ആവേശോജ്വലമായ മത്സരത്തില് രണ്ടിനെതിരെ നാല് ഗോളുകള്ക്കാണ് ബംഗളൂരും മുംബൈയെ തറപറ്റിച്ചത്. പ്ലേ ഓഫ് സാധ്യതകള് നിലനിര്ത്താന് വിജയം അനിവാര്യമായ മത്സരത്തില് മുംബൈക്ക് എതിരെ ബംഗളൂരു തകര്ന്നാടി എന്ന് തന്നെ പറയാം. കളിയുടെ ആദ്യ മിനിറ്റിലെ 25 ാം സെക്കന്ഡില് തന്നെ ബംഗളൂരൂ ഗോള് സ്കോര് ചെയ്തിരുന്നു. ക്ലൈറ്റണ് സില്വയായിരുന്നു ആദ്യ ഗോള് നേടിയത്. പിന്നീട് 22-ാം മിനിറ്റില് സില്വയുടെ ഗോളില് ടീമിന്റെ ലീഡ് 2 ഗോളായി ഉയര്ന്നിരുന്നു. രണ്ടാം പകുതിയില് രണ്ട് ഗോളുകള് സ്കോര് ചെയ്ത് മുംബൈ തിരിച്ചുവരവിന് വേണ്ടിയുള്ള ശ്രമങ്ങള്ക്ക് തുടക്കമിട്ടിരുന്നു. എന്നാല് മുംബൈയുടെ ശ്രമങ്ങളെയെല്ലാം നിഷ്ഭ്രമമാക്കികൊണ്ട് 57-ാം മിനിറ്റില് ബംഗളൂരുവിന് വേണ്ടി സുനി ഛേത്രിയും 72-ാം മിനിറ്റില് ഫോണ്ട്രെയും മുംബൈ സിറ്റി എഫ് സി യുടെ ഗോള് വലയില് വിജയാരവം മുഴക്കി. ബംഗളൂരുവിന്റെ ശക്തമായ പ്രതിരോധം മുംബൈയുടെ ഗോള് ശ്രമങ്ങളെ നിരവധി തവണ നിഷ്ഭ്രമമാക്കി. ബംഗളൂരുവിന്റെ തിരിച്ചു വരവില് ആരാധകരും വലിയ ആവേശത്തിലാണ്.
പോയിന്റ് പട്ടികയില് ഒന്നാം സ്ഥാനക്കാരായ മുംബൈ സിറ്റി എഫ് സിയെ തോല്പ്പിച്ചതോട് കൂടി 18 മത്സരങ്ങളില് നിന്നും 22 പോയിന്റുമായി ആറാം സ്ഥാനത്താണ് ബംഗളൂരു. അതേ സമയം പരാജയം പോയിന്റ് നിലവാരത്തില് ഒട്ടും ബാധിച്ചിട്ടില്ലാത്ത മുംബൈ സിറ്റി എഫ് സി 17 കളികളില് 34 പോയിന്റുമായി രണ്ടാം സ്ഥാനത്ത് തുടരുകയാണ്. ഇന്നത്തെ കളിയില് വിജയം കണ്ടിരുന്നുവെങ്കില് എ ടി കെ മോഹന് ബഗാനെ മറികടന്ന് മുംബൈ സി റ്റി എഫ് സി പോയിന്റ് പട്ടികയില് ഒന്നാം സ്ഥാനത്ത് എത്തുമായിരുന്നു.
https://www.facebook.com/Malayalivartha