ഐ എസ് എല് : തകര്ന്നടിഞ്ഞ് കേരള ബ്ലാസ്റ്റേഴ്സ്
ഏഴാം സീസണ് ഐ എസ് എല്ലില് ഹൈദരബാദ് എഫ് സി യുടെ എതിരില്ലാത്ത നാല് ഗോളുകള്ക്ക് വഴങ്ങി തകര്ന്നടിഞ്ഞ് കേരള ബ്ലാസ്റ്റേഴ്സ്. ഐ എസ് എല്ലിന്റെ ഏഴാം സീസണിലെ 18 -ാം മത്സരത്തിന്റെ രണ്ടാം പകുതിയിലാണ് ഹൈദരാബാദിനോട് നാല് ഗോളുകളും കേരള ബ്ലാസ്റ്റേഴ്സ് വഴങ്ങിയത്. ഇതിന് മുമ്പ് ബ്ലാസ്റ്റേഴ്സും ഹൈദരാബാദും തമ്മിലുള്ള മത്സരത്തില് 2-0 ത്തിന് ബ്ലാസ്റ്റേഴ്സ് വിജയം സ്വന്തമാക്കിയിരുന്നു. ഹൈദരാബാദിന് വേണ്ടി സന്ഡാസ ഇരട്ട ഗോളുകളാണ് നേടിയത് സന്റാന, ജാവോ വിക്ടര് എന്നിവരും ഓരോ ഗോളുകള് വീതം സ്കോര് ചെയ്യുകയായിരുന്നു. സീസണിലെ എട്ടാം തോല്വിയോടെ പോയിന്റ് പട്ടികയില് 10-ാം സ്ഥാനത്താണ് ബ്ലാസ്റ്റേഴ്സ്.
സീസണല് മൂന്ന് വിജയവും ഏഴ് സമനിലയും നേടിയ ബ്ലസ്റ്റേഴ്സിന് 27 പോയിന്റുകളാണുള്ളത്. നാല് മാറ്റങ്ങളുമായി ഹൈദരാബാദിന് എതിരെ കളത്തിലിറങ്ങിയ ബ്ലാസ്റ്റേഴ്സ് മത്സരത്തിന്റെ ആദ്യ പകുതിയില് ഹൈദരാബാദിന്റെ ഗോള് മുഖത്ത് പല പ്രാവശ്യവും ഭീഷണി ഒരുക്കി. എന്നാല് ഗോള് നേടാനായില്ല. എന്നാല് രണ്ടാം പകുതിയില് ബ്ലാസ്റ്റേഴ്സ് തീര്ത്തും പ്രതിരോധത്തിലേക്ക് ചുരുങ്ങുന്ന കാഴ്ചയാണ് കാണാന് കഴിഞ്ഞത്.
https://www.facebook.com/Malayalivartha
