ഈ വർഷം ജൂണിൽ നടക്കുന്ന കോപ്പാ അമേരിക്ക ഫുട്ബോൾ ടൂർണ്ണമെന്റിൽ പങ്കെടുക്കാൻ ഇന്ത്യയ്ക്ക് സൗഭാഗ്യം കൈവന്നിരിക്കുന്നു. കോവിഡ് കാരണം മാറ്റി വെച്ച ടൂർണ്ണമെന്റ്,നേരത്തെ അർജന്റീന,കൊളംബിയ എന്നീ രാജ്യങ്ങളിലായി നടത്താൻ ആയിരുന്നു ഉദ്ദേശിച്ചിരുന്നത്.

ഖത്തർ,ഓസ്‌ട്രേലിയ എന്നീ രാജ്യങ്ങളെ ആദ്യമായി കോപ്പാ അമേരിക്ക ടൂർണ്ണമെന്റ് കളിക്കാൻ ക്ഷണിച്ചിരുന്നെങ്കിലും അവർ പിന്മാറി. ആ സമയത്ത് ഫിഫ ലോകകപ്പ് യോഗ്യത,ഏഷ്യ കപ്പ് എന്നീ മത്സരങ്ങൾ ഉള്ളതിനാൽ പിന്മാറുന്നു എന്നാണ് അധികൃതരുടെ വിശദീകരണം.

ഇരുരാജ്യങ്ങളും പിന്മാറിയതോടെയാണ് കോപ്പാ അമേരിക്ക ഫുട്ബോൾ അഖിലേന്ത്യ ഫുട്ബോൾ ഫെഡറേഷനെ സമീപിച്ചത്. എങ്കിലും ഫെഡറേഷന്റെ ഭാഗത്ത് നിന്ന് ഇതുവരെ മറുപടി കൊടുത്തിട്ടില്ല.

എല്ലാം ഒത്തുവരികയാണെങ്കിൽ അർജന്റീനയ്ക്കും ബ്രസീലിനും ഒപ്പം പന്ത് തട്ടാൻ ഇന്ത്യൻ ഫുട്ബാൾ ടീമിന് ആകും.
ഇന്ത്യ ടൂർണ്ണമെന്റിൽ കളിക്കണമെന്ന് അവർക്ക് ആഗ്രഹം ഉണ്ട് എന്നാണ് അഖിലേന്ത്യ ഫുട്ബോൾ ഫെഡറേഷൻ ജനറൽ സെക്രട്ടറി കുശാൽ ദാസ് പ്രതികരിച്ചത്.

മെസ്സി,നെയ്‌മർ,സുവാരസ്,ജെയിംസ് റോഡ്രിഗസ് എന്നിവർക്കൊപ്പം കളിക്കാൻ കഴിഞ്ഞാൽ അത് ഏറ്റവും വലിയ ഭാഗ്യം തന്നെയാണ് എന്നാണ് ഇന്ത്യൻ പരിശീലകൻ ഇഗോർ സ്റ്റിമാച്ച് പ്രതികരിച്ചത്.

ഈ വർഷം ജൂൺ 11 മുതൽ ജൂലായ് 10 വരെയാണ് ടൂർണ്ണമെന്റ് നടത്താൻ നിശ്ചയിച്ചിരിക്കുന്നത്.