ഇന്ത്യൻ സൂപ്പർ ലീഗിൽ ഇന്ന് കേരളാ ബ്ലാസ്റ്റേഴ്‌സിന് അവസാന മത്സരം. നോർത്ത് ഈസ്റ്റ് യുണൈറ്റഡ് ആണ് എതിരാളികൾ. ഇന്ത്യൻ സമയം രാത്രി 7:30 ന് ഗോവയിൽ വെച്ചാണ് മത്സരം.

"ഇടഞ്ഞ കൊമ്പനെ തടഞ്ഞു നോക്ക്" എന്ന് പറഞ്ഞു വന്ന ബ്ലാസ്റ്റേഴ്‌സ്, ലീഗ് മത്സരം അവസാനിക്കുമ്പോൾ 'ചെരിഞ്ഞ' അവസ്ഥയിലാണ്. 19 മത്സരങ്ങൾ പൂർത്തിയാക്കിയപ്പോൾ വെറും മൂന്നു ജയവും എട്ട് സമനിലയും എട്ട് തോൽവിയുമായി ലീഗിൽ പത്താം സ്ഥാനത്താണ് കേരളാ ബ്ലാസ്റ്റേഴ്‌സ്. അതായത് പതിനൊന്ന് ടീമുകൾ പങ്കെടുക്കുന്ന ടൂർണ്ണമെന്റിൽ പത്താമത്.

അതേ സമയം ഇന്നത്തെ മത്സരത്തിൽ ബ്ലാസ്റ്റേഴ്‌സിനോട് ഒരു സമനില നേടിയാലും നോർത്ത് ഈസ്റ്റ് യുണൈറ്റഡിന് പ്ലേയ് ഓഫിൽ നാലാം സ്ഥാനക്കാരായി പ്രവേശിക്കാം.

ടീമിന്റെ മോശം പ്രകടനത്തിന്റെ പേരിൽ ബ്ലാസ്റ്റേഴ്‌സ് കോച്ച് കിബു വിക്കൂനനയെ പുറത്താക്കിയിരുന്നു.

\