ഇന്ത്യൻ സൂപ്പർ ലീഗ്; അവസാന മത്സരത്തിലും ബ്ലാസ്റ്റേഴ്സിന് തോൽവി
കേരളാ ബ്ലാസ്റ്റേഴ്സിന് അവസാന മത്സരത്തിലും തോറ്റു മടങ്ങാനായിരുന്നു വിധി. ഇന്ത്യൻ സൂപ്പർ ലീഗിന്റെ ഏഴാം സീസണിൽ കേരളാ ബ്ലാസ്റ്റേഴ്സിന്റെ അവസാന മത്സരത്തിൽ നോർത്ത് ഈസ്റ്റ് യൂണൈറ്റഡാണ് ബ്ലാസ്റ്റേഴ്സിനെ എതിരില്ലാത്ത രണ്ടു ഗോളുകൾക്ക് തകർത്ത് വിട്ടത്. നോർത്ത് ഈസ്റ്റ് യുണൈറ്റഡ് പ്ലേ ഓഫിൽ പ്രവേശിക്കുകയും ചെയ്തു.
നോർത്ത് ഈസ്റ്റിന് വേണ്ടി ഗോളടി തുടങ്ങി വെച്ചത് മലയാളി താരം വി.പി സുഹൈറായിരുന്നു. കളിയുടെ 34ആം മിനിറ്റിൽ ആയിരുന്നു സുഹൈറിന്റെ ഗോൾ. ആദ്യപകുതി അവസാനിക്കുന്നതിന് തൊട്ട് മുൻപ് അഡീഷണൽ സമയത്ത് ലാൽ ലെൻമാവിയ ബ്ലാസ്റ്റേഴ്സിന്റെ പതനം പൂർത്തിയാക്കി രണ്ടാം ഗോൾ നേടി.
20 കളിയിൽ നിന്ന് 33 പോയിന്റ് നേടി ലീഗ് ടേബിളിൽ മൂന്നാം സ്ഥാനക്കാരായാണ് നോർത്ത് ഈസ്റ്റ് പ്ലേ ഓഫിൽ കടന്നത്. വെറും 17 പോയിന്റ് മാത്രം നേടിയ കേരള ബ്ലാസ്റ്റേഴ്സ് പത്താം സ്ഥാനത്താണ് .
കേരളാ ബ്ലാസ്റ്റേഴ്സിന്റെ ഐ.എസ്.എൽ ചരിത്രത്തിലെ ഏറ്റവും മോശം പ്രകടനം.
സീസണിൽ വെറും മൂന്ന് ജയവും ഒൻപത് തോൽവിയും എട്ട് സമനിലയും ആണ് ബ്ലാസ്റ്റേഴ്സിന്റെ സമ്പാദ്യം. നേരത്തെ ടീം മോശം പ്രകടനം കാഴ്ചവെക്കുന്നത് ചൂണ്ടിക്കാട്ടി പരിശീലകൻ കിബു വിക്കൂനനയെ ടീം മാനേജ്മന്റ് പുറത്താക്കിയിരുന്നു.
https://www.facebook.com/Malayalivartha