യൂറോപ്പിലെ രണ്ടാംനിര ടൂർണ്ണമെന്റായ യുവേഫ യൂറോപ്പ ലീഗിൽ മാഞ്ചസ്റ്റർ യുണൈറ്റഡ് പ്രീ ക്വാർട്ടർ പ്രവേശനം നേടി. കഴിഞ്ഞ ദിവസം നടന്ന മത്സരത്തിൽ സ്പെയിനിലെ ടീമായ റിയൽ സോസിദാദിനെതിരെ ഗോൾരഹിത സമനില വഴങ്ങിയ ടീം ആദ്യപാദത്തിൽ എതിരില്ലാത്ത നാല് ഗോളിന്റെ തകർപ്പൻ ജയം നേടിയിരുന്നു.

പ്രീ ക്വാർട്ടറിൽ മുൻ മാഞ്ചസ്റ്റർ യുണൈറ്റഡ് താരമായ സ്ലാട്ടൻ ഇബ്രാഹിമോവിച്ച് കളിക്കുന്ന എസി മിലാനാണ് എതിരാളികൾ.

അതേസമയം ലെസ്റ്റർ സിറ്റി സ്ലാവിയ പ്രാഹായോട് തോറ്റ് പ്രീ ക്വാർട്ടർ കാണാതെ പുറത്തായി. എതിരില്ലാത്ത രണ്ടു ഗോളുകൾക്കാണ് ലെസ്റ്ററിനെ സ്ലാവിയ വീഴ്ത്തിയത്. ടോട്ടൻഹാം,ആഴ്‌സണൽ,എ.സി റോമാ എന്നിവയാണ് പ്രീ ക്വാർട്ടർ പ്രവേശനം നേടിയ മറ്റു പ്രമുഖ ടീമുകൾ.

മാർച്ച് പതിനൊന്നിനാണ് പ്രീ ക്വാർട്ടർ മത്സരങ്ങൾ തുടങ്ങുക.