മാഞ്ചസ്റ്റര് സിറ്റി ആദ്യമായി യുവേഫ ചാമ്പ്യന്സ് ലീഗ് ഫൈനലില്
മാഞ്ചസ്റ്റര് സിറ്റി ആദ്യമായി യുവേഫ ചാമ്പ്യന്സ് ലീഗ് ഫൈനലില് കടന്നു. സെമിഫൈനല് രണ്ടാം പാദത്തില് വീറോടെ പൊരുതിയ പിഎസ്ജിയെ ഇരുപാദങ്ങളിലുമായി 4-1ന് മറികടന്നാണ് സിറ്റിയുടെ മുന്നേറ്റം.
ആദ്യ പാദത്തില് 2-1ന് സിറ്റി വിജയിച്ചിരുന്നു. ബുധനാഴ്ച മാഞ്ചസ്റ്ററില് നടന്ന രണ്ടാം പാദ സെമിയില് എതിരില്ലാത്ത രണ്ടു ഗോളിന് പിഎസ്ജിയെ തോല്പ്പിച്ചതോടെയാണ് മാഞ്ചസ്റ്റര് സിറ്റി ഫൈനല് ഉറപ്പിച്ചത്.
റിയാദ് മഹ്റെസിന്റെ ഇരട്ടഗോളാണ് സിറ്റിയുടെ വിജയമൊരുക്കിയത്. 11,63 മിനിറ്റുകളിലായിരുന്നു മഹ്റെസ് വലക്കുലുക്കിയത്. 69-ാം മിനിറ്റില് എയ്ഞ്ചല് ഡി മരിയ ചുവപ്പ് കാര്ഡ് കണ്ട് പുറത്തുപോയതും പിഎസ്ജിക്ക് തിരിച്ചടിയായി.
മാഞ്ചസ്റ്റര് സിറ്റി ആദ്യ ചാമ്പ്യന്സ് ലീഗ് ഫൈനലില് കടന്നപ്പോള് പിഎസ്ജിക്ക് ഒരിക്കല് കൂടി കിരീടമില്ലാതെ മടങ്ങേണ്ടി വന്നു. വ്യാഴാഴ്ച നടക്കുന്ന റയലും ചെല്സിയും തമ്മിലുള്ള സെമി മറികടക്കുന്നവരാകും ഫൈനലില് സിറ്റിയെ നേരിടുക.
fr
https://www.facebook.com/Malayalivartha