മാഞ്ചസ്റ്റര് യുണൈറ്റഡില് ധോണി ഗോള്കീപ്പര്
ഇന്ത്യന് ക്രിക്കറ്റ് ടീം ക്യാപ്റ്റന് മഹേന്ദ്രസിങ് ധോണി മാഞ്ചസ്റ്റര് യുണൈറ്റഡ് ക്ലബ്ബിന്റെ ഫുട്ബോള് ടീമില് ഗോള്കീപ്പറായി. യുണൈറ്റഡിന്റെ ആസ്ഥാനമായ ഓള്ഡ് ട്രാഫോര്ഡില് ടീം ഇന്ത്യ പര്യടനം നടത്തിയപ്പോഴാണ് ധോണി ഗോള്കീപ്പറുടെ ഗ്ലൗവണിഞ്ഞത്.
ഞായറാഴ്ച ക്ലബ് ആസ്ഥാനത്തെത്തിയ ടീം, ഡ്രസിങ് റൂമാണ് ആദ്യം സന്ദര്ശിച്ചത്. സ്മരണികാ ഫലകങ്ങളും കളിക്കാരുടെ പേരും നമ്പറും പതിപ്പിച്ച ജഴ്സിയും മറ്റും കണ്ടതിനുശേഷം ടീം തിയറ്റര് ഓഫ് ഡ്രീം എന്നു വിളിപ്പേരുളള ഗ്രൗണ്ടിലേക്കു കടന്നു.
പ്രത്യേക അനുമതിയോടെ മൈതാനത്ത് കുറച്ചു നേരം പന്തു തട്ടിയ ഇന്ത്യന് ടീം തുടര്ന്ന് ക്ലബ്ബിന്റെ ഔദ്യോഗിക ഷോറൂമില് ഷോപ്പിങും നടത്തി. 1958ല് വിമാനാപകടത്തില് മരിച്ച കളിക്കാരുടെ സ്മരണയ്ക്കായുള്ള മ്യൂണിക്ക് ടണല് കൂടി സന്ദര്ശിച്ച ശേഷമാണ് ഇന്ത്യന് ടീം മടങ്ങിയത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
