കേരള ബ്ലാസ്റ്റേഴ്സിന്റെ ലോഗോ പ്രകാശനം ചെയ്തു
ഇന്ത്യന്‍ സൂപ്പര്‍ ലീഗ് ടീം കേരള ബ്ലാസ്റ്റേഴ്സിന്റെ ഔദ്യോഗിക ലോഞ്ചിങ്‌ കൊച്ചി ക്രൗണ്‍ പ്ലാസ ഹോട്ടലില്‍ നടന്നു. ചടങ്ങില്‍ ടീമിന്റെ ജഴ്‌സിയും ലോഗോയും പ്രകാശനം ചെയ്തു. താരങ്ങള്‍ക്കൊപ്പം ടീം ഉടമസ്ഥരില്‍ ഒരാളായ പ്രസാദ്‌ വി.പോട്‌ലൂരി, ടീമിന്റെ മാര്‍ക്യു പ്ലെയറും മാനെജരുമായ ഡേവിഡ്‌ ജയിംസ്‌ തുടങ്ങിവരും ചങ്ങില്‍ പങ്കെടുത്തു.
ഒക്‌റ്റോബര്‍ 12നാണ്‌ ഇന്ത്യന്‍ സൂപ്പര്‍ ലീഗ് കിക്കോഫ്‌ കുറിക്കുന്നത്‌. 15ന്‌ ഗുവാഹത്തിയിലെ ഇന്ധിരാഗാന്ധി സ്റ്റേഡിയത്തില്‍ നോര്‍ത്ത്‌ ഈസ്‌റ്റ്‌ യുണൈറ്റഡിനെതിരെയാണ്‌ ബ്ലാസ്റ്റേഴ്സിന്റെ ആദ്യ മത്സരം. ഒക്‌റ്റോബര്‍ 19ന്‌ ചെന്നൈയില്‍ ചെന്നൈ ടൈറ്റന്‍സിനെയും 22ന്‌ പൂണെയില്‍ പൂണെ സിറ്റിയെയും നേരിട്ടതിനു ശേഷമാകും സച്ചിന്റെ ടീം ആദ്യ ഹോം മത്സരത്തിന്‌ കൊച്ചിയിലെത്തുക. 27ന്‌ സൗരവ്‌ ഗാംഗുലിയുടെ അത്‌ലറ്റിക്കോ മഡ്രിഡാണ്‌ ബ്ലാസ്റ്റേഴ്സിന്റെ ഹോംഗ്രൗണ്ടിലെ എതിരാളി.
എട്ടു ടീമുകള്‍ പങ്കെടുക്കുന്ന ചാമ്പ്യന്‍ഷിപ്പില്‍ ബ്ലാസ്റ്റേഴ്‌സിന്റെയും ചെന്നൈ ടൈറ്റന്‍സിന്റെയും ലോഗോ മാത്രമെ പുറത്തിറങ്ങാനുണ്ടായിരുന്നുള്ളൂ. ടീമിന്റെ പരിശീലനം ഒരാഴ്‌ച മുമ്പ് തൃശൂര്‍ കോര്‍പ്പറേഷന്‍ സ്റ്റേഡിയത്തില്‍ ആരംഭിച്ചു. മുന്‍ മാഞ്ചെസ്റ്റര്‍ സിറ്റി, ലിവര്‍പൂള്‍ ഗോള്‍കീപ്പറായ ഡേവിഡ്‌ ജയിംസിന്‌ കീഴിലാണ്‌ ടീമിന്റെ പരിശീലനം.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
