ലോക ഒന്നാം നമ്പര്‍ താരം നൊവാക് ജോക്കോവിച്ചിന് യുഎസ് ഓപ്പണ്‍ പുരുഷ സിംഗിള്‍സ് കിരീടം. ക്ലാസിക് ഫൈനലില്‍ മുന്‍ ചാംപ്യനും ലോക രണ്ടാം നമ്പര്‍ താരവുമായ റോജര്‍ ഫെഡററെയാണ് ജോക്കോവിച്ച് കീഴടക്കിയത്. നാലു സെറ്റ് നീണ്ട പോരാട്ടത്തിനൊടുവിലായിരുന്നു ജയം. സ്‌കോര്‍ 6-4, 5-7, 6-4, 6-5. ജോക്കോവിച്ചിന്റെ രണ്ടാം യുഎസ് ഓപ്പണ്‍ കിരീടവും 10-ാം ഗ്രാന്‍ഡ്സ്ലാം കിരീടവുമാണിത്.
തുടക്കം മുതല്‍ മികച്ച പ്രകടനം നടത്തിയാണ് ജോക്കോവിച്ച് മുന്നേറിയത്. ആദ്യസെറ്റ് 6-4 ന് ജോക്കോവിച്ച് സ്വന്തമാക്കിയെങ്കിലും രണ്ടാം സെറ്റില്‍ ഫെഡറര്‍ തിരിച്ചുവരവ് നടത്തി. എന്നാല്‍ മൂന്നും നാലും സെറ്റുകള്‍ വ്യക്തമായ ആധിപത്യത്തോടെ ജോക്കോവിച്ച് സ്വന്തമാക്കി വിജയത്തിലേക്ക് കുതിക്കുകയായിരുന്നു.
അതേസമയം, യുഎസ് ഓപ്പണ്‍ കിരീടത്തിലൂടെ തിരിച്ചു വരവിന് ശ്രമിച്ച ഫെഡറര്‍ക്ക് മല്‍സരം തിരിച്ചടിയായി. 2009-നു ശേഷം ആദ്യമായാണ് ഫെഡറര്‍ യുഎസ് ഓപ്പണ്‍ ഫൈനലിലെത്തുന്നത്. 2012 നു ശേഷം ഫെഡറര്‍ക്ക് ഒരു കിരീടം പോലും ഇതുവരെ നേടാനായിട്ടില്ല. വിംബിള്‍ഡണ്‍ ഫൈനലിലും ഫെഡറര്‍ ജോക്കോവിച്ചിനോട് തോറ്റിരുന്നു. യുഎസ് ഓപ്പണിലൂടെ ഫെഡററുടെ തിരിച്ചുവരവ് കാത്തിരുന്ന ആരാധകര്‍ക്കും മല്‍സരം നല്‍കിയത് നിരാശ മാത്രം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha