പ്രഫഷനല്‍ ബോക്‌സിങ് ലോകത്തേക്ക് ചുവടുമാറ്റിയ ഇന്ത്യന്‍ താരം വിജേന്ദര്‍ സിങ്ങിന് ശനിയാഴ്ച അരങ്ങേറ്റപ്പോരാട്ടം. പുതു പോരാട്ടവേദിയിലെ ആദ്യ വെല്ലുവിളിയില്‍ ബ്രിട്ടന്റെ സോണി വിറ്റിങ്ങാണ് വിജേന്ദറിന്റെ എതിരാളി.

അമച്വര്‍ കുപ്പായത്തില്‍ ഇന്ത്യക്കായി ആദ്യ ഒളിമ്പിക്‌സ് മെഡല്‍ നേടുന്ന ബോക്‌സറായ ഹരിയാനക്കാരന്‍ പ്രഫഷനല്‍ രംഗത്തും തീപാറുന്ന പോരാട്ടവീര്യവുമായി കാലുറപ്പിക്കാനുള്ള ശ്രമത്തിലാണ്.

പ്രഫഷനല്‍ ബോക്‌സിങ്ങില്‍ മൂന്നു മത്സരങ്ങളുടെ പരിചയവുമായാണ് വിറ്റിങ് ഇന്ത്യന്‍ താരത്തിനെതിരെ രംഗത്തത്തെുന്നത്. ജയ, തോല്‍വി കണക്കില്‍ 2-1 എന്നതാണ് റോച്ചെസ്റ്ററില്‍ നിന്നുള്ള 26കാരന്റെ സമ്പാദ്യം. മത്സരത്തില്‍ പൂര്‍ണ ശ്രദ്ധകേന്ദ്രീകരിച്ച്, റിങ്ങില്‍ കൃത്യസമയത്ത് മറുപടി നല്‍കാനാണ് ഒരുങ്ങുന്നതെന്ന് പറഞ്ഞു.

ജൂലൈയിലാണ് ക്വീന്‍സ്‌ബെറി പ്രമോഷനുമായി കരാര്‍ ഒപ്പുവെച്ച്, 29കാരനായ വിജേന്ദര്‍ പ്രഫഷനലായത്. ഇന്ത്യന്‍ സമയം രാത്രി 10.20ന് മാഞ്ചസ്റ്റര്‍ അറീനയില്‍ നടക്കുന്ന മത്സരം സോണി സിക്‌സില്‍ തത്സമയം സംപ്രേഷണം ചെയ്യും. മൂന്നു മിനിറ്റ് വീതമുള്ള നാല് റൗണ്ടുകളാണുള്ളത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha