ഓസ്‌ട്രേലിയന്‍ ഓപ്പണിലും സാനിയ സഖ്യം വിജയ പരമ്പര തുടരുന്നു
ഓസ്‌ട്രേലിയന്‍ ഓപ്പണില്‍ സാനിയ മിര്‍സയ്ക്ക് ഇരട്ടജയം. വനിതകളുടെ ഡബിള്‍സിലും മിക്‌സഡ് ഡബിള്‍സിലും ജയം സ്വന്തമാക്കിയാണ് സാനിയ സഖ്യം മുന്നേറ്റം നടത്തിയത്.
ഡബിള്‍സില്‍ മാര്‍ട്ടിന ഹിംഗിസിനൊപ്പം വിജയപരമ്പര തുടരുന്ന സാനിയ സഖ്യം യുക്രെയ്‌നിന്റെ ല്യൂഡ്മില സഹോദരിമാരെയാണ് പരാജയപ്പെടുത്തിയത്. സ്‌കോര്‍: 6-2, 6-3. മത്സരം ഒരു മണിക്കൂറും മൂന്നു മിനിറ്റും നീണ്ടു. മൂന്നാം റൗണ്ടില്‍ സാനിയ സഖ്യം റഷ്യന്‍-ഇറ്റാലിയന്‍ ജോഡിയായ സ്വെറ്റ്‌ലാന കുസ്‌നെറ്റ്‌സോവ-റോബര്‍ട്ട വിന്‍സി സഖ്യത്തെ നേരിടും.
മിക്‌സഡ് ഡബിള്‍സില്‍ ക്രൊയേഷ്യന്‍ പങ്കാളി ഐവാന്‍ ഡോഗിഗിയോടൊപ്പമാണ് സാനിയ രണ്ടാം റൗണ്ടിലേക്ക് മുന്നേറിയത്. ഓസ്‌ട്രേലിയയുടെ അജ്‌ല ടോംജാനോവിച്ച്-നിക്ക് കിര്‍ഗിയോസ് സഖ്യത്തെയാണ് ഇന്തോ-ക്രൊയേഷ്യന്‍ ജോഡി നേരിട്ടുള്ള സെറ്റുകള്‍ക്കു മറികടന്നത്. സ്‌കോര്‍: 7-5, 6-1. രണ്ടാം റൗണ്ടില്‍ കസാക്കിസ്ഥാന്‍-പാക്കിസ്ഥാന്‍ ജോഡി യരോസ്ലേവ ഷെഡോവ-ഐസം ഉള്‍ ഹഖ് സഖ്യത്തെയാണ് സാനിയ സഖ്യം നേരിടുക.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
