നൊവാക് ദ്യോകൊവിച്ചിന് കൊവിഡ്; എന്നാല് സാമൂഹിക അകലം പാലിക്കാതെ ദ്യോകൊവിച്ച് ടൂര്ണമെന്റ് സംഘടിപ്പിച്ചതെന്ന തരത്തില് വിമര്ശം ഉയര്ന്നിരുന്നു
ലോക ഒന്നാം നമ്ബര് ടെന്നീസ് താരം നൊവാക് ദ്യോകൊവിച്ചിന് കൊവിഡ്. ദ്യോകൊവിച്ചിന്റെ ഭാര്യ ജെലീനയുടെ പരിശോധനാ ഫലവും പോസിറ്റീവ് ആണ്. ദ്യോകൊവിച്ച് സംഘടിപ്പിച്ച ചാരിറ്റി ടെന്നീസ് ടൂര്ണമെന്റില് പങ്കെടുത്ത മൂന്നു താരങ്ങള്ക്ക് നേരത്തെ കൊവിഡ് സ്ഥിരീകരിച്ചിരുന്നു. ഇതിന് പിന്നാലെയാണ് ദ്യോകൊവിച്ചിന്റെ പരിശോധനാഫലവും പോസിറ്റീവായത്.
'ക്രൊയേഷ്യയിലെ സദറിലെ ചാരിറ്റി മത്സരത്തില് പങ്കെടുത്ത ശേഷം ബെല്ഗ്രേഡിലെത്തിയ ഉടനെ തന്നെ ഞങ്ങള് പരിശോധനയ്ക്ക് വിധേയരായി. എന്റെയും ജെലീനയുടേയും ഫലം പോസിറ്റീവാണ്. മക്കളുടേത് നെഗറ്റീവാണ്. ചാരിറ്റി ടൂര്ണമെന്റ് സംഘടിപ്പിച്ചത് നല്ല ഉദ്ദേശത്തോടെയാണ്. അത് ഇങ്ങനെ ആയിത്തീരുമെന്ന് പ്രതീക്ഷിച്ചില്ല'- ദ്യോകൊവിച്ച് വാര്ത്താ കുറിപ്പില് വ്യക്തമാക്കി.
എന്നാല് സാമൂഹിക അകലം പാലിക്കാതെ ദ്യോകൊവിച്ച് ടൂര്ണമെന്റ് സംഘടിപ്പിച്ചതെന്ന തരത്തില് വിമര്ശം ഉയര്ന്നിരുന്നു. ദ്യോക്കോയ്ക്ക് പുറമെ പ്രമുഖ താരങ്ങളായ ഡൊമിനിക് തീം, അലക്സാണ്ടര് സ്വരേവ് എന്നിവരും ടൂര്ണമെന്റില് പങ്കെടുത്തവരില് ഉള്പ്പെടുന്നു.
https://www.facebook.com/Malayalivartha
