ക്രിക്കറ്റ് താരം എം.എസ് ധോനിയുടെ പിറന്നാൾ ആശംസയുമായി ഭാര്യ സാക്ഷി സിങ് ധോനി. ധോനിയുടെ ചിത്രങ്ങൾ ഇൻസ്റ്റഗ്രാമിൽ പോസ്റ്റ് ചെയ്തായിരുന്നു സാക്ഷി ധോണിക്ക് പിറന്നാൾ ആശംസ നൽകിയത്.

റാഞ്ചിയിലെ ഫാം ഹൗസിൽ ധോനി വളർത്തു നായകൾക്കൊപ്പം നിൽക്കുന്ന ചിത്രവും ഇതിലുണ്ടായിരുന്നു. ഈ ചിത്രത്തിൽ ധോനിയുടെ മുടി നരച്ചിരിക്കുന്നതും കാണാം. തന്റെ പിറന്നാൾ ആശംസയിലും ഇക്കാര്യം സാക്ഷി പറയുന്നുണ്ട്.

'നിങ്ങൾ ജനിച്ച ദിവസം അടയാളപ്പെടുത്തുന്നു. ഒരു വയസ് കൂടി പിന്നിട്ടിരിക്കുന്നു, അൽപം കൂടി നരച്ചിരിക്കുന്നു, കുറച്ചുകൂടി മിടുക്കനായിരിക്കുന്നു. മധുരമൂറുന്ന ആശംസകൾക്കും സമ്മാനങ്ങൾക്കും സ്വാധീനിക്കാൻ കഴിയാത്ത മനുഷ്യനാണ് നിങ്ങൾ. മെഴുകുതിരി കത്തിച്ചും കേക്ക് മുറിച്ചും നിങ്ങളുടെ ജീവിതത്തിലെ മറ്റൊരു വർഷം കൂടി ആഘോഷിക്കാം. പിറന്നാളാശംസകൾ!'. സാക്ഷി ഇൻസ്റ്റഗ്രാമിൽ കുറിച്ചു.