ബാഡ്മിന്റണ് താരം ജ്വാലാ ഗുട്ടയും കോളിവുഡ് നടന് വിഷ്ണു വിശാലും വിവാഹിതരാകുന്നു
ഇന്ത്യന് ബാഡ്മിന്റണ് താരം ജ്വാലാ ഗുട്ടയും കോളിവുഡ് നടന് വിഷ്ണു വിശാലും മോതിരം മാറി വിവാഹനിശ്ചയം നടത്തിയ വിവരം വിഷ്ണു വിശാല് ട്വിറ്ററിലൂടെ പുറംലോകത്തെ അറിയിച്ചു.
ഇന്നലെ ജ്വാലയുടെ 37-ാം ജന്മദിനത്തില് അര്ധരാത്രി ഹൈദരാബാദിലെ വസതിയിലെത്തി കാമുകിയെ ഞെട്ടിച്ച വിശാല് ജന്മദിന സമ്മാനത്തിനുപകരം വിവാഹമോതിരമാണ് അണിയിച്ചത്. പുതു ജീവിതത്തിനു തുടക്കം കുറിക്കുന്നതായും എല്ലാവരുടെയും സ്നേഹവും അനുഗ്രഹവും തേടുന്നതായും വിഷ്ണു പിന്നീട് ട്വീറ്റ് ചെയ്തു. ഇരുവരുമൊത്തുള്ള ചിത്രങ്ങളടക്കമായിരുന്നു ട്വീറ്റ്.
രണ്ടുവര്ഷം മുമ്പ് പ്രണയബദ്ധരായ ഇരുവരുടെയും രണ്ടാം വിവാഹമാണ്. മുന് ഇന്ത്യന് ബാഡ്മിന്റണ് താരം ചേതന് ആനന്ദാണ് അര്ജുന അവാര്ഡ് ജേതാവുകൂടിയായ ജ്വാലയുടെ ആദ്യഭര്ത്താവ്. 2005-ലായിരുന്നു വിവാഹം. അസ്വാരസ്യങ്ങളെത്തുടര്ന്ന് 2011-ല് ഇരുവരും വേര്പിരിഞ്ഞു.
രജിനി നടരാജുമായുള്ള ആദ്യ വിവാഹബന്ധത്തില് ആര്യന് എന്നൊരു മകന് വിശാലിനുണ്ട്. 2018-ല് രജിനിയുമൊത്തുള്ള ബന്ധം വേര്പെടുത്തി.
https://www.facebook.com/Malayalivartha
