ഓസ്‌ട്രേലിയയോട് തോറ്റതിന് പിന്നാലെ ഇന്ത്യയ്ക്ക് വീണ്ടും തിരിച്ചടി... പരിക്കേറ്റ് പേസര്‍ മുഹമ്മദ് ഷാമി ശേഷിക്കുന്ന മൂന്ന് ടെസ്റ്റില്‍ നിന്നും പുറത്ത്
ഓസ്‌ട്രേലിയയോട് തോറ്റതിന് പിന്നാലെ ഇന്ത്യയ്ക്ക് വീണ്ടും തിരിച്ചടി... പരിക്കേറ്റ് പേസര്‍ മുഹമ്മദ് ഷാമി ശേഷിക്കുന്ന മൂന്ന് ടെസ്റ്റില്‍ നിന്നും പുറത്ത്. പാറ്റ് കമ്മിന്‍സിന്റെ ബൗണ്‍സര്‍ കൊണ്ട് ഷാമിയുടെ കൈയില്‍ പരിക്കേല്‍ക്കുകയായിരുന്നു. വേദനയില്‍ പുളഞ്ഞ താരം റിട്ടയര്‍ ചെയ്തു ഡ്രസിംഗ് റൂമിലേക്കു പോയി.
അതിനുശേഷം വിദഗ്ധ ചികിത്സയ്ക്കായി ആശുപത്രിയില്‍ പ്രവേശിപ്പിച്ചപ്പോഴാണ് പൊട്ടല്‍ കണ്ടെത്തിയത്. ഇതോടെ ശേഷിക്കുന്ന മത്സരത്തില്‍നിന്നും ഷമിയെ ഒഴിവാക്കി. രണ്ടാം ഇന്നിംഗ്‌സില്‍ വെറും 36 റണ്‍സിന് ഇന്ത്യ പുറത്തായ മത്സരത്തില്‍ പതിനൊന്നാമനായാണ് ഷാമി ക്രീസിലെത്തിയത്.
കമ്മിന്‍സ് എറിഞ്ഞ ബൗണ്‍സര്‍ ആദ്യം പുള്‍ ചെയ്യാന്‍ ശ്രമിച്ച ഷാമി പെട്ടെന്ന് ഒഴിഞ്ഞുമാറി ഇതിനിടെയാണ് പന്ത് കൈക്കുഴയില്‍ കൊണ്ടത്. വേദനകാരണം ബാറ്റ് ചെയ്യാനാവാതെ വന്ന ഷാമി റിട്ടയേര്‍ഡ് ഹര്‍ട്ടായതോടെ ഇന്ത്യന്‍ ഇന്നിംഗ്‌സ് 36/9ല്‍ അവസാനിച്ചു. ഓസീസിന്റെ രണ്ടാം ഇന്നിംഗ്‌സില്‍ ഷാമി പന്തെറിഞ്ഞതുമില്ല.
"
https://www.facebook.com/Malayalivartha
