ഇതിഹാസ താരം പെലെയുടെ റെക്കോഡിനൊപ്പം സൂപ്പര്‍ താരം ലയണല്‍ മെസ്സി
ഇതിഹാസ താരം പെലെയുടെ റെക്കോഡിനൊപ്പം സൂപ്പര്‍ താരം ലയണല്‍ മെസ്സി. സ്പാനിഷ് ലീഗില്‍ വലന്‍സിയക്കെതിരായ മല്‍സരത്തില്‍ ഗോള്‍ നേടിയതോടെയാണ് ബാഴ്സലോണന്‍ താരം പുതിയ നേട്ടം കൈവരിച്ചത്. ബാഴ്സലോണയ്ക്ക് മാത്രമായി അര്‍ജന്റീനന്‍ താരം നേടിയ ഗോളുകളുടെ എണ്ണം 643 ആയി. ബ്രസീലിയന്‍ ക്ലബ്ബ് സാന്റോസിനായി പെലെ 643 ഗോളുകളായിരുന്നു നേടിയത്.
757 മല്‍സരങ്ങളില്‍ നിന്നായിരുന്നു പെലെയുടെ നേട്ടമെങ്കില്‍ 748ാം മല്‍സരത്തില്‍ നിന്നായിരുന്നു മെസ്സിയുടെ നേട്ടം. വലന്‍സിയക്കെതിരേ 45ാം മിനിറ്റിലായിരുന്നു മെസ്സിയുടെ 643ാം ഗോള്‍. ബാഴ്സയുടെ രണ്ടാം ഗോള്‍ അറൗജോയുടെ വകയായിരുന്നു. എന്നാല്‍ റെക്കോഡ് നേടിയെങ്കിലും കറ്റാലന്‍സിന് ഇന്നലെ നിരാശയായിരുന്നു മല്‍സര ഫലം. വലന്‍സിയ 2-2ന് ബാഴ്സയെ സമനിലയില്‍ കുരുക്കി.സ്പാനിഷ് ലീഗില്‍ നടന്ന മറ്റ് മല്‍സരങ്ങളില്‍ അത്ലറ്റിക്കോ മാഡ്രിഡ് തകര്‍പ്പന്‍ ജയം കരസ്ഥമാക്കി.
"
https://www.facebook.com/Malayalivartha
