പങ്കാളിയുടെ മരണശേഷം ബീജം ശേഖരിച്ചു; മാസങ്ങള്ക്ക് ശേഷം കൃത്രിമ ബീജസങ്കലനത്തിലൂടെ ഗര്ഭം ധരിച്ച് ഒളിംപിക് താരത്തിന്റെ ജീവിത പങ്കാളി
തന്റെ പങ്കാളിയുടെ മരണശേഷവും ഗർഭം ധരിച്ച് യുവതി... അന്തരിച്ച ഓസ്ട്രേലിയന് സ്നോബോര്ഡ് ഇതിഹാസം അലക്സ് പുള്ളിന്റെ ജീവിത പങ്കാളിയായ എലിഡി വ്ലഗാണ് തങ്ങളുടെ കുഞ്ഞിനെ പ്രതീക്ഷിക്കുന്നതായി ലോകത്തോട്അറിയിച്ചത്. അന്തരിച്ച കാമുകന്റെ മരണശേഷം ബീജം ശേഖരിച്ച് കൃത്രിമ ബീജസങ്കലനത്തിലൂടെയാണ് ഗര്ഭിണിയായത് എന്ന് എലിഡി വ്ലഗ് നേരത്തെ വ്യക്തമാക്കിയിരുന്നു.
അലക്സ് പുള്ളിന് 2020 ജൂലൈയിലാണ് മുങ്ങി മരിക്കുന്നത്. ഗോള്ഡ് കോസ്റ്റില് സര്ഫിങ്ങിനിടെയാണ് അദ്ദേഹം മരിച്ചത്. ബോധരഹിതനായ അദ്ദേഹത്തെ ലൈഫ് ഗാര്ഡുകള് കരയിലെത്തിച്ചെങ്കിലും ഉടന് തന്നെ മരിക്കുകയായിരുന്നു.
മരിക്കുമ്ബോള് അദ്ദേഹത്തിന് 32 വയസ്സ് മാത്രമായിരുന്നു പ്രായം. തന്റെ സന്തോഷകരമായ നിമിഷങ്ങളുടെ ചിത്രങ്ങള് ഇന്സ്റ്റഗ്രാമിലെ ഫോളോവേഴ്സുമായി എലിഡി വ്ലഗ് ഷെയര് ചെയ്തു. വെളുത്ത വസ്ത്രം ധരിച്ച് എടുത്ത ചിത്രങ്ങളാണ് അവര് ഇന്സ്റ്റാഗ്രാമില് പങ്കുവെച്ചിരിക്കുന്നത്.
എല്ലാ ഫോട്ടോകളിലും വ്ലഗ് തന്റെ വയറില് സ്നേഹത്തോടെ പിടിച്ചിരിക്കുന്നുമുണ്ട്. സൂര്യപ്രകാശം നല്ലൊരു പശ്ചാത്തലം ഒരുക്കുന്ന ഫോട്ടോകളില് ഒരു ഓപണ് ഗാര്ഡനിലാണ് ഫോട്ടോഷൂട്ട് ചെയ്തിരിക്കുന്നത്. അവരുടെ ഒരു ചിത്രത്തിന്റെ പോസ്റ്റില് ഹൃദയസ്പര്ശിയായ ഒരു അടിക്കുറിപ്പും ചേര്ത്തു,
'നിങ്ങളുടെ ബോയ്ഫ്രണ്ടിന് പകരം നിങ്ങളുടെ നായയുമായി പ്രെഗ്നന്സി ഷൂട്ട് ചെയ്യുമ്ബോള്.. എല്ലാ വികാരങ്ങളും'. പോസ്റ്റിന് താഴെ നിരവധി ഫോളോവേഴ്സാണ് അവര്ക്ക് പിന്തുണയുമായി എത്തിയത്. ചിലര് എലിഡിയോടുള്ള സ്നേഹം പ്രകടിപ്പിച്ചപ്പോള് മറ്റു ചിലര് ഈ വാര്ത്ത തങ്ങളെ എത്രമാത്രം സന്തോഷിപ്പിച്ചുവെന്ന് കമന്റിലൂടെ അറിയിച്ചു.
https://www.facebook.com/Malayalivartha
