'കളിക്കിടയിൽ ഒരു കല്യാണക്കാര്യം'; വനിതാ സുഹൃത്തിനോട് വിവാഹാഭ്യര്‍ഥന നടത്തി ചെന്നൈ സൂപ്പര്‍ കിംഗ്‌സ് താരം ദീപക് ചാഹര്‍; ദൃശ്യങ്ങൾ സോഷ്യൽ മീഡിയയിൽ വൈറൽ
ഇന്‍ഡ്യന്‍ പ്രിമിയര്‍ ലീഗില്‍ (ഐപിഎല്‍) പഞ്ചാബ് കിംഗ്‌സുമായുള്ള മത്സരശേഷം ഗാലറിയില്‍ നടന്നത് രസകരമായ കാഴ്ച. ചെന്നൈ സൂപെര്‍ കിംഗ്‌സ് താരം ദീപക് ചാഹര്‍ വനിതാ സുഹൃത്തിനോട് വിവാഹാഭ്യര്‍ഥന നടത്തുന്ന ദൃശ്യമാണ് ഇപ്പോള്‍ സമൂഹമാധ്യമങ്ങളില്‍ വൈറലായി കൊണ്ടിരിക്കുന്നത്.
പഞ്ചാബുമായുള്ള മത്സരത്തിനുശേഷം എല്ലാവരും സംസാരിക്കുന്നതിനിടെ തീര്‍ത്തും അപ്രതീക്ഷിതമായിട്ടായിരുന്നു ദീപക് ചാഹറിന്റെ വിവാഹാഭ്യര്‍ഥന. ആദ്യം സ്തംഭിച്ചു നിന്നു പോയ സുഹൃത്ത് 'യെസ്' പറഞ്ഞതോടെ ഇരുവരും കെട്ടിപ്പിടിച്ചു. പിന്നാലെ ചുറ്റിലും നിന്നവരുടെ ആരവവും കയ്യടിയും. പിന്നീട് ഇരുവരും പരസ്പരം മോതിരമണിഞ്ഞു. ഇതിന്റെ വിഡിയോ ഐപിഎലിന്റെ ഔദ്യോഗിക ട്വിറ്റര്‍ പേജില്‍ പങ്കുവച്ചതോടെ അത് വൈറലായി.ദീപക് ചാഹര്‍ തന്റെ ഇന്‍സ്റ്റാഗ്രാമിലും 'സ്‌പെഷല്‍ മൊമന്റ്' എന്ന അടിക്കുറിപ്പോടെ വീഡിയോ പങ്കുവച്ചു.
പഞ്ചാബുമായുള്ള മത്സരത്തില്‍ ചെന്നൈ തോല്‍വി വഴങ്ങിയെങ്കിലും ദീപക് ചാഹര്‍ നാല് ഓവറില്‍ 48 റണ്‍സിന് ഒരു വികെറ്റ് നേടി. ചെന്നൈ ഉയര്‍ത്തിയ 134 റണ്‍സ് ഏഴ് ഓവറും ആറു വികെറ്റും ബാക്കിനിര്‍ത്തി പഞ്ചാബ് ലക്ഷ്യം കണ്ടു.
https://www.facebook.com/Malayalivartha
