ഈ വര്‍ഷത്തെ വേള്‍ഡ് അത്ലറ്റിക്സിന്റെ വുമണ്‍ ഓഫ് ദി ഇയര്‍ പുരസ്‌ക്കാരത്തിന് മുന്‍ ഇന്ത്യന്‍ അത്ലറ്റിക്സ് താരവും പരിശീലകയുമായ അഞ്ജു ബോബി ജോര്‍ജ് അര്‍ഹയായി
02 DECEMBER 2021 09:32 AM IST
മലയാളി വാര്‍ത്ത
ഈ വര്‍ഷത്തെ വേള്‍ഡ് അത്ലറ്റിക്സിന്റെ വുമണ്‍ ഓഫ് ദി ഇയര്‍ പുരസ്‌ക്കാരത്തിന് മുന്‍ ഇന്ത്യന്‍ അത്ലറ്റിക്സ് താരവും പരിശീലകയുമായ അഞ്ജു ബോബി ജോര്‍ജ് അര്‍ഹയായി. ഇന്നലെ രാത്രിയാണ് പുരസ്‌കാരം പ്രഖ്യാപിച്ചത്.
ലോക അത്ലറ്റിക്സ് ചാമ്പ്യന്‍ഷിപ്പില്‍ ലോങ് ജമ്പില്‍ വെങ്കല മെഡല്‍ നേടിയിട്ടുളള അഞ്ജു കായികരംഗത്തുനിന്ന് വിരമിച്ച ശേഷവും ഈ മേഖലയില്‍ നടത്തുന്ന സേവനങ്ങളാണ് പുരസ്‌കാരത്തിന് അര്‍ഹയാക്കിയത്.
ഇന്ത്യന്‍ അത്ലറ്റിക്സ് ഫെഡറേഷന്റെ സീനിയര്‍ വൈസ് പ്രസിഡന്റാണ്. വേള്‍ഡ് അത്ലറ്റിക്സിന്റെ ഈ വര്‍ഷത്തെ മികച്ച പുരുഷ താരമായി നോര്‍വെയുടെ കാര്‍സ്റ്റന്‍ വാര്‍ഹോമും വനിത താരമായി ജമൈക്കയുടെ എലൈന്‍ തോംപ്സണും തിരഞ്ഞെടുക്കപ്പെട്ടു.
ബെംഗളൂരു കേന്ദ്രമായി അത്ലറ്റിക്സ് അക്കാദമി സ്ഥാപിച്ച് 2016 മുതല്‍ പെണ്‍കുട്ടികള്‍ക്ക് പരിശീലനം നല്‍കി വരുന്നു.
"
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
