സെര്‍ബിയന്‍ ടെന്നിസ് താരം നൊവാക് ജോക്കോവിച്ചിന്റെ വീസ ഓസ്‌ട്രേലിയ വീണ്ടും റദ്ദാക്കി
സെര്‍ബിയന്‍ ടെന്നിസ് താരം നൊവാക് ജോക്കോവിച്ചിന്റെ വീസ ഓസ്‌ട്രേലിയ വീണ്ടും റദ്ദാക്കി. കോവിഡ് മാനദണ്ഡങ്ങള്‍ ലംഘിച്ചു എന്ന കാരണത്താലാണ് റദ്ദാക്കിയത്.
ജോക്കോവിച്ചിനെ മോചിപ്പിക്കണമെന്ന് മെല്‍ബണ്‍ കോടതി ഉത്തരവിട്ടതിന് ശേഷമാണ് സര്‍ക്കാര്‍ വീണ്ടും താരത്തിനെതിരേ നടപടി സ്വീകരിച്ചത്.
പൊതുതാത്പര്യം കണക്കിലെടുത്താണ് തീരുമാനമെന്ന് സര്‍ക്കാര്‍ വ്യക്തമാക്കി. വീസ റദ്ദാക്കിയതോടെ മൂന്ന് വര്‍ഷത്തേക്ക് ജോക്കോവിച്ചിന് ഓസ്‌ട്രേലിയയില്‍ പ്രവേശന വിലക്കുമുണ്ടാകും. അതേസമയം നടപടിക്കെതിരേ വീണ്ടും കോടതിയെ സമീപിക്കുമെന്ന് ജോക്കോവിച്ച് പ്രതികരിച്ചു.
കോവിഡ് വാക്‌സിന്‍ എടുക്കാതെ ഓസ്‌ട്രേലിയന്‍ ഓപ്പണ്‍ ടെന്നിസിന് രാജ്യത്ത് എത്തിയതിന് പിന്നാലെയാണ് ജോക്കോയെ വിമാനത്താവളത്തില്‍ തടയുകയും നിര്‍ബന്ധിത ക്വാറന്റൈനിലേക്ക് മാറ്റുകയും ചെയ്തത്.
പിന്നാലെ താരം കോടതിയെ സമീപിച്ചു.താരത്തെ മോചിപ്പിക്കാന്‍ കോടതി ഉത്തരവിട്ടതോടെ സര്‍ക്കാര്‍ വെട്ടിലായി. തുടര്‍ന്ന് രണ്ടു ദിവസത്തിന് ശേഷമാണ് വീണ്ടും വീസ റദ്ദാക്കിയിരിക്കുന്നത്.
"
https://www.facebook.com/Malayalivartha
