ഓസ്ട്രേലിയന്‍ മുന്‍ ക്രിക്കറ്റ് താരം റോഡ്നി മാര്‍ഷ്(74) അന്തരിച്ചു. ഹൃദയാഘാതത്തെ തുടര്‍ന്ന് ചികിത്സയില്‍ കഴിയുന്നതിനിടെയാണ് അന്ത്യം.

ക്വീന്‍സ് ലന്‍ഡിലെ ബുണ്ടബെര്‍ഗില്‍ വച്ചാണ് നെഞ്ച് വേദന അനുഭവപ്പെട്ടത്. ഉടന്‍തന്നെ അദ്ദേഹത്തെ ആശുപത്രിയില്‍ പ്രവേശിപ്പിച്ചിരുന്നു. തുടര്‍ന്ന് ചികിത്സയില്‍ കഴിയുന്നതിനിടെയാണ് മരണം സംഭവിച്ചത്.

1970 മുതല്‍ 1984 വരെ ഓസ്ട്രേലിയന്‍ ക്രിക്കറ്റിലെ സജീവ സാന്നിധ്യമായിരുന്നു. ഓസ്ട്രേലിയയ്ക്കായി 96 ടെസ്റ്റുകളില്‍ കളിച്ചിട്ടുണ്ട്.