കഴിഞ്ഞ ദിവസം അന്തരിച്ച ക്രിക്കറ്റ് ഇതിഹാസം ഷെയ്ന്‍ വോണിന്റെ മുറിയിലും തലയിണയിലും ബാത് ടവ്വലിലും രക്തക്കറ കണ്ടെത്തിയതായി തായ്‌ലന്‍ഡ് പൊലീസ്. താരത്തെ അബോധാവസ്ഥയില്‍ കണ്ടെത്തിയതിന് പിന്നാലെ ഒപ്പമുണ്ടായിരുന്ന സുഹൃത്തുക്കള്‍ സിപിആര്‍ നല്‍കിയെങ്കിലും, ഇതിനു പിന്നാലെ വോണ്‍ ചോര ഛര്‍ദ്ദിച്ചതായും പൊലീസ് അറിയിച്ചു.

വോണിന് ആസ്തമയും ഹ‍ൃദയസംബന്ധമായ പ്രശ്നങ്ങളുമുണ്ടായിരുന്നു. മരണത്തിനു മുന്‍പ് ഹൃദയസംബന്ധമായ പ്രശ്നങ്ങള്‍ക്ക് വോണ്‍ ഡോക്ടറെ കണ്ടിരുന്നതായും റിപ്പോര്‍ട്ടുണ്ട്. എന്നാല്‍ വോണിന്റെ സംസ്‌കാരത്തീയതി നിശ്ചയിച്ചിട്ടില്ല. തായ്‌ലന്‍ഡില്‍ നിന്ന് മൃതദേഹം ഓസ്‌ട്രേലിയയില്‍ എത്തിക്കാന്‍ വൈകുമെന്നതിനാലാണിത്. വോണിന്റെ മൃതദേഹം തായ്‌ലന്‍ഡിലെ കോ സമുയി ആശുപത്രിയിലാണ് സൂക്ഷിച്ചിരിക്കുന്നത്.