ഫ്‌ളയര്‍ ചുരിദാര്‍
ഒറ്റ നോട്ടത്തില്‍ സാധാരണ മോഡലിലുളള ചുരിദാര്‍ ആണെന്നു തോന്നുമെങ്കിലും അണിയുമ്പോള്‍ ഇരുവശങ്ങളിലും ഫ്‌ളെയറോടു കൂടിയ ചുരിദാര്‍. ഇത്തരത്തില്‍ സിംപിളായും എന്നാല്‍ അല്‌പം വര്‍ക്കുകളോടും കൂടിയ ഫ്‌ളയര്‍ ചുരുദാറില്‍ പാര്‍ട്ടികളിലും കോളേജിലും ഒരുപോലെ തിളങ്ങാം. ഇറക്കം കൂടിയ ചുരുദാറുകള്‍ക്ക്‌ പുതുമ കൂടി നല്‍കുകയാണ്‌ ഇത്തരം ചുരുദാറുകള്‍.
ഫ്‌ളോയി മെറ്റീരിയലിലാണ്‌ ഫ്‌ളയര്‍ ചുരുദാറുകള്‍ ഒരുക്കുക. ഇതിനുവേണ്ടി നെറ്റ്‌, സോഫ്‌റ്റ്‌ കോട്ടണ്‍, ജോര്‍ജെറ്റ്‌ ഷിഫോണ്‍, വെല്‍വെറ്റ്‌ എന്നിങ്ങനെ ഒതുങ്ങിക്കിടക്കുന്ന മെറ്റീരിയലുകളില്‍ ഫ്‌ളയര്‍ ചുരിദാറുകള്‍ തയ്യാറാക്കാം. വണ്ണം ഉളളവര്‍ക്കും ഈ ചുരിദാര്‍ ഉപയോഗിക്കാമെന്നതാണ്‌ ഇതിന്റെ പ്രത്യേകത. ഫ്‌ളയര്‍ ചുരിദാറില്‍ ഇരുവശങ്ങളിലാണ്‌ ഫ്‌ളയര്‍ വരുന്നത്‌. ഫ്‌ളയര്‍ നല്‍കുന്നിടം മുതല്‍ രണ്ടുവശങ്ങളില്‍ ക്രോസായി കെട്ടുകളും നല്‍കുന്നുണ്ട്‌. ഇത്‌ ചുരിദാറിന്റെ വണ്ണം ക്രമപ്പെടുത്തുവാനും ഷേയ്‌പ്‌ നല്‍കാനും കഴിയും. മെറ്റീരിയലിന്റെ നിറത്തിന്‌ കോണ്‍ട്രാസ്റ്റായുളള ലെയ്‌സാണ്‌ താഴ്‌ഭാഗത്ത്‌ നല്‍കുക. ഗോള്‍ഡന്‍ നിറവും അതോടൊപ്പം ബ്രൈറ്റ്‌ നിറവും ഉപയോഗിക്കാവുന്നതാണ്‌. ഇതുവഴി ഫ്‌ളയര്‍ ചുരിദാറിന്‌ എലഗന്റ്‌ ലുക്ക്‌ കിട്ടുകയും ചെയ്യും
https://www.facebook.com/Malayalivartha
