സ്പാ ഫേഷ്യല്
പാല്, തൈര്, നെയ്യ്, പഞ്ചസാര എന്നീ ഘടകങ്ങള് അടങ്ങിയ ഹെര്ബല് ക്രീം മുഖത്തു പുരട്ടുക. അഞ്ചുതരം ഗുണങ്ങളാണ് ഇവയ്ക്കുള്ളത്. പാല് ചര്മത്തിലെ അഴുക്കുകള് നീക്കി വൃത്തിയാക്കും. തൈരില് അടങ്ങിയിട്ടുള്ള ലാക്റ്റിക് ആസിഡ് ചര്മത്തിന്റെ കരുവാളിപ്പ് അകറ്റി നിറം നല്കും. നെയ്യ് ചര്മത്തെ പരിപോഷിപ്പിക്കുകയും കരുത്ത് നല്കുകയും ചെയ്യും. തേന് ചര്മത്തെ പരിപോഷിപ്പിച്ചു മൃദുത്വവും തിളക്കവും നല്കും. പഞ്ചസാര ചര്മത്തെ സ്ക്രബ് ചെയ്തു മൃതകോശങ്ങളെ ഇല്ലാതാക്കാന് സഹായിക്കും. ഈ അഞ്ചു ഘടകങ്ങള് ഒരുമിച്ചു ചേരുന്നതോടെ ചര്മത്തിന് ആവശ്യമായ കൊളാജിന് ലഭിക്കാനും ചര്മത്തിലെ ചുളിവുകള് തടയാനും സഹായിക്കും.
ഇതിനു ശേഷം വരണ്ട ചര്മത്തിനു യോജിച്ച ക്രീം രൂപത്തിലുള്ള ക്ലെന്സര് പുരട്ടുക. രണ്ട് ചെറിയ സ്പൂണ് തൈരില് ഒരു വലിയ സ്പൂണ് പഞ്ചസാര ചേര്ത്തു മുഖത്തും കഴുത്തിലും പുരട്ടി സ്ക്രബ് ചെയ്യുക. പത്തു മിനിറ്റിനു ശേഷം ചര്മം വൃത്തിയാക്കണം. അമിതമായ കെരാട്ടിന് നീക്കം ചെയ്യാന് സഹായിക്കുന്ന ക്രീം മുഖത്തും കഴുത്തിലും പുരട്ടുക. വരണ്ട ചര്മത്തില് കെരാട്ടിന്റെ അളവ് കൂടുന്നതു മൂല ചര്മം കട്ടിയാവുകയും നിറം നഷ്ടപ്പെടുകയും ചെയ്യുന്ന അവസ്ഥയുണ്ടാവാറുണ്ട്. ഇത് കെരാട്ടിന്റെ അളവ് വര്ധിച്ചതു മൂലമുള്ള നിറംമാറ്റവും കറുത്ത പാടുകളും ഇല്ലാതാക്കും. ഇനി മുഖത്തും കഴുത്തിലും ടോണര് പുരട്ടി പത്ത് മിനിറ്റ് കഴിഞ്ഞു നീക്കം ചെയ്യാം. മുഖത്തു ബ്ലാക് ഹെഡ് ഉണ്ടെങ്കില് ബ്ലാക് ഹെഡ് റിമൂവര് ഉപയോഗിച്ച് അതു നീക്കം ചെയ്യണം. ആദ്യം പറഞ്ഞ അഞ്ചു ഘടകങ്ങള് അടങ്ങിയ ഹെര്ബല് ക്രീം പുരട്ടി പതിനഞ്ച് മിനിറ്റ് മസാജ് ചെയ്യുക. ഇതിനു ശേഷം ഒരു ഡി ടോക്സിഫൈയിങ് പായ്ക്ക് ഇടുക.
ഇനി ചര്മത്തിനു പുതുജീവന് നല്കാന് ഒരു പായ്ക്ക് ഇടണം. ഒരു കഷണം ഏത്തപ്പഴം കുഴമ്പ് രൂപത്തിലാക്കിയത്, ബദാം പൊടിച്ചത് അര സ്പൂണ്, മുട്ടയുടെ മഞ്ഞ കാല് സ്പൂണ് ഇവ മിശ്രിതമാക്കി മുഖത്തും കഴുത്തിലും പുരട്ടി ഇരുപത് മിനിറ്റ് കഴിഞ്ഞ് കഴുകണം. ഇതു ചര്മത്തിനു തിളക്കവും മൃദുത്വവും നല്കും. കുഴമ്പ് രൂപത്തിലുള്ള വെള്ളരി ഫ്രിഡ്ജില് വച്ചു തണുപ്പിക്കുക. ഇതില് നീളത്തിലുള്ള കോട്ടണ് മുക്കി ചര്മത്തില് കോള്ഡ് കംപ്രഷന് കൊടുത്ത ശേഷം സണ്സ്ക്രീന് പുരട്ടണം.
https://www.facebook.com/Malayalivartha