നടി സണ്ണി ലിയോണ്‍ പങ്കെടുക്കാനിരുന്ന ഫാഷന്‍ ഷോ പരിപാടിയുടെ വേദിക്ക് സമീപം സ്‌ഫോടനം. മണിപ്പൂരിന്റെ തലസ്ഥാനമായ ഇംഫാലിലാണ് സംഭവം. ശനിയാഴ്ച്ച രാവിലെ ആറരയോടെയാണ്‌ സ്‌ഫോടനം നടന്നത്. ഞായറാഴ്ച്ചയായിരുന്നു ഫാഷന്‍ ഷോ.

വേദിയില്‍നിന്ന് നൂറ് മീറ്റര്‍ ദൂരത്തിലാണ് സ്‌ഫോടനമുണ്ടായത്. ആളപായം റിപ്പോര്‍ട്ട് ചെയ്തിട്ടില്ല. ഗ്രനേഡോ ഇംപ്രൊവൈസ്ഡ് എക്‌സ്‌പ്ലൊസീവ് ഡിവൈസോ (ഐ.ഇ.ഡി.) പൊട്ടിത്തെറിച്ചാണ് സ്‌ഫോടനം നടന്നതെന്നാണ് നിഗമനം. പോലീസ് അന്വേഷണം ആരംഭിച്ചിട്ടുണ്ട്.

കൈത്തറി, ഖാദി വസ്ത്രങ്ങളുടേയും മണിപ്പൂര്‍ ടൂറിസത്തിന്റേയും പ്രൊമോഷന്റെ ഭാഗമായാണ് ഈ ഫാഷന്‍ ഷോ സംഘടിപ്പിച്ചിരുന്നത്. ഹൗസ് ഓഫ് അലി ഫാഷന്‍ ഷോ എന്ന് പേരിട്ടിരുന്ന പരിപാടിയുടെ ഷോ സ്‌റ്റോപ്പറായിരുന്നു സണ്ണി ലിയോണ്‍.