ഓഹരി സൂചികയില്‍ സെന്‍സെക്‌സ് നേരിയ നഷ്ടത്തിനും നിഫ്റ്റിയില്‍ നേട്ടത്തോടെയും വ്യാപാരം ആരംഭിച്ചു. സെന്‍സെക്‌സ് 1.16 പോയന്റ് ഇടിഞ്ഞ് 36443.48 എന്ന നിലയിലും നിഫ്റ്റ് എഴ് പോയന്റ് ഉയര്‍ന്ന് 10929.80 എന്ന നിലയിലുമാണ്. വ്യാപാരം ആരംഭിക്കുമ്പോള്‍ സ്‌റ്റോക്ക് എക്‌സ്‌ചേഞ്ച് രജിസ്റ്റര്‍ ചെയ്ത 889 കമ്പനികളുടെ ഓഹരികള്‍ നേട്ടത്തിലും 637 കമ്പനികള്‍ നഷ്ടത്തിലുമാണ്. 86 കമ്പനികള്‍ മാറ്റമില്ലാതെ തുടരുന്നുണ്ടെന്നാണ് റിപ്പോര്‍ട്ട്.

വിപ്രോ, യെസ് ബാങ്ക്, ഹിന്ദുസ്ഥാന്‍ യൂണിയന്‍ ലിവര്‍, ഐസിഐസിഐ ബാങ്ക്, ഐടിസി, ഗെയില്‍, റിലയിന്‍സ്, സിപ്ല തുടങ്ങിയ കമ്പനികള്‍ നേട്ടത്തിലും, സണ്‍ ഫാര്‍മ, ഇന്‍ഫോസിസ്, ടിസിഎസ്, ടാറ്റാ മോട്ടോഴ്‌സ്, എച്ച്ഡിഎഫ്‌സി ബാങ്ക്, ഒഎന്‍ജിസി തുടങ്ങിയ കമ്പനികളുടെ ഓഹരികള്‍ നഷ്ടത്തിലുമാണ് വ്യാപാരം ആരംഭിച്ചത്.