സംസ്ഥാനത്ത് ഇന്ന് സ്വര്‍ണവിലയില്‍ മാറ്റമില്ല... പവന് 50,800 രൂപയിലാണ് വ്യാപാരം നടക്കുന്നത്. കഴിഞ്ഞ രണ്ട് ദിവസങ്ങളിലായി സ്വര്‍ണവില കുത്തനെ ഇടിഞ്ഞിട്ടുണ്ടായിരുന്നു. ഒരു പവന്‍ സ്വര്‍ണത്തിന്റെ ഇന്നത്തെ വിപണി വില 50,800 രൂപയാണ്.

കഴിഞ്ഞ രണ്ടു ദിവസങ്ങളിലായി 960 രൂപയാണ് സ്വര്‍ണത്തിന് കുറഞ്ഞത്. ഇതോടെ സ്വര്‍ണവില 51,000 ത്തിന് താഴെയായി. വിവാഹ വിപണിക്ക് വളരെ ആശ്വാസമാണ് ഈ വില ഇടിവ്. ഈ മാസത്തെ ഏറ്റവും കുറഞ്ഞ നിരക്കിലാണ് സ്വര്‍ണ വ്യാപാരമുള്ളത്.

വിപണിയില്‍ ഇന്ന് ഒരു ഗ്രാം 22 കാരറ്റ് സ്വര്‍ണത്തിന്റെ വിലയില്‍ മാറ്റമില്ല, ഗ്രാമിന് 6,350 രൂപയാണ് വില. ഒരു ഗ്രാം 18 കാരറ്റ് സ്വര്‍ണത്തിന്റെ വില 5,255 രൂപയാണ്.
അതേസമയം വെള്ളിയുടെ വില കഴിഞ്ഞ ദിവസങ്ങളിലായി കുറഞ്ഞിട്ടുണ്ട്. ഇന്ന് ഒരു രൂപ കുറഞ്ഞതോടെ ഒരു ഗ്രാം സാധാരണ വെള്ളിയുടെ വില 86 രൂപയാണ്.