ബി.എസ്.എന്‍.എലിന്റെ ഏറ്റവും വലിയ ഓഫറായ ആറുപൈസ ക്യാഷ് ബാക്ക് പ്ലാന്‍ നീട്ടി. ജൂണ്‍ 30 വരെയാണ് നീട്ടിയത്. മെയ് 30 വരെയായിരുന്ന ആദ്യഘട്ടത്തില്‍ ഓഫര്‍ നല്‍കിയത്. എന്നാല്‍ ഇതാണ് ഇപ്പോള്‍ 30 വരെ നീട്ടിരിക്കുന്നത്. അഞ്ചു മിനിറ്റിലധികം കോളുകള്‍ ഉപയോഗിക്കുമ്പോള്‍ ഉപയോക്താക്കള്‍ക്ക് ഈ ഓഫര്‍ ലഭിക്കും.
ഇത്തരത്തില്‍ ഉപഭോക്താക്കള്‍ക്ക് പ്രതിമാസം 50 രൂപ പരമാവധി ക്യാഷ്ബാക്ക് ലഭിക്കുമെന്നതാണ് ബി.എസ്.എന്‍.എല്‍ പറയുന്നത്. ഈ ഓഫറിലൂടെ ബി.എസ്.എന്‍.എ ഉപഭോക്താക്കള്‍ക്ക് ഒരു വോയ്‌സ് കോള്‍ അല്ലെങ്കില്‍ ഒരു എസ്.എം.എസ് അയച്ചുകൊണ്ട് ആറു പൈസ ക്യാഷ് ബാക്ക് ലഭിക്കും. ഇത് ബി.എസ്.എന്‍.എല്‍ വയര്‍ലൈന്‍, ബ്രോഡ്ബാന്‍ഡ്, ഫൈബര്‍ ടു ഹോം സബ്‌സ്‌ക്രൈബര്‍മാര്‍ക്ക് ലഭ്യമാണ്.
റിലാന്‍സ് ജിയോയുടെ ഐ.യു.സി ചാര്‍ജ് അവതരിപ്പിച്ചതിന് മറുപടിയായാണ് കഴിഞ്ഞ വര്‍ഷം ഈ ഓഫര്‍ കൊണ്ടുവന്നത്. ഇത് മിനിറ്റില്‍ ആറു പൈസയാണ്. ബി.എസ്.എന്‍.എല്‍ ക്യാഷ്ബാക്ക് ഓഫര്‍ സജീവമാകുന്നതിന് എസ്.എം.എസ് കമ്പോസ് ബോക്‌സില്‍ ആക്റ്റ് 6 പൈസ എന്ന് ടൈപ്പ് ചെയ്ത് 9478053334 എന്ന നമ്പറിലേക്ക് അയക്കണം. പണം ക്യാഷ്ബാക്ക് രൂപത്തില്‍ വരിക്കാരന് ക്രെഡിറ്റ് ചെയ്യപ്പെടും.