ആത്മനിര്ഭര് ഭാരത് പദ്ധതിക്ക് അംഗീകാരം; ആപ്പില് ചൈന വിട്ടും ചെന്നൈയിലെത്തി; ആപ്പിള് ഐഫോണ് 11 ഇന്ത്യയില് നിര്മാണം തുടങ്ങി
ചൈനവിട്ടെത്തിയ ആപ്പില് ചെന്നൈയില് നിര്മ്മാണം തുടങ്ങി. കേന്ദ്രസര്ക്കാരിന്റെ ആത്മനിര്ഭര് ഭാരത് പദ്ധതിക്കു ലഭിച്ച ആദ്യ രാജ്യന്തര അംഗീകാരം. ആപ്പിള് ഐഫോണ് 11 നിര്മാണം ഇന്ത്യയില് തുടങ്ങി. ചെന്നൈയിലെ ഫോക്സ്കോണ് പ്ലാന്റിലാണ് ആപ്പിളിന്റെ മുന്നിര ഉത്പന്നമായ ഐഫോണ് 11 നിര്മിക്കുന്നത്.
രാജ്യത്തിന് മികച്ച മാതൃകയായി ആപ്പിള് ഇന്ത്യയില് ഐഫോണ് 11 നിര്മിക്കാന് തുടങ്ങിയതായി വാണിജ്യമന്ത്രി പിയൂഷ് ഗോയല് ട്വിറ്ററില് കുറിച്ചു. ഇതിനുമുമ്പ് ഐഫോണ് എക്സ്ആര് ബെംഗളുരുവില് ഘടകഭാഗങ്ങള് ചേര്ത്ത് നിര്മാണം ആരംഭിച്ചിരുന്നു. ഐ ഫോണ് എസ്ഇ 2020 ബെംഗളുരുവിനടുത്തുള്ള വിസ്ട്രോണ് പ്ലാന്റില് നിര്മിക്കാനുള്ള പദ്ധതിയും ആപ്പിളിനുണ്ട്.
ആപ്പിളിന്റെ പ്രധാന വിതരണക്കാരായ ഫോക്സ്കോണ് ഈ മാസം ആദ്യം ഐ ഫോണ് നിര്മിക്കുന്നതിനുള്ള പ്ലാന്റ് വിപുലീകരണത്തിനായി 100 കോടി ഡോളര്വരെ നിക്ഷേപിക്കാന് പദ്ധതിയിട്ടിരുന്നു. ഫോക്സ്കോണിന് പുറമെ രണ്ടാമത്തെ വലിയ ഐഫോണ് നിര്മാതാക്കളായ പെഗാട്രോണും ഭാവിയില് ഇന്ത്യയില് നിക്ഷേപം നടത്തിയേക്കുമെന്നും റിപ്പോര്ട്ടുകളുണ്ട്.
https://www.facebook.com/Malayalivartha
