വാഹന പ്രേമികൾക്ക് സന്തോഷവാർത്തയുമായി മെഴ്‌സിഡസ് ബെൻസ്. ജിഎൽഇ 63 എസ് എഎംജി കൂപ്പെ ഇന്ത്യൻ വിപണിയിൽ എത്തിച്ചിരിക്കുകയാണ് ഇവർ . രാജ്യത്ത് വിൽപ്പനക്കെത്തുന്ന 12ാം എഎംജി മോഡൽ കൂടിയാണിത്. വണ്ടിയുടെ വില 2.07 കോടി രൂപയാണ്(എക്‌സ്-ഷോറൂം) .

603 ബിഎച്ച്പി കരുത്തുള്ള 4.0 ലിറ്റർ ബൈടർബോ വി8 എഞ്ചിനാണ് എഎംജി ജിഎൽഇ 63 എസ് കൂപ്പെയിൽ കമ്പനി സജ്ജമാക്കിയിരിക്കുന്നത്. 48വി ഇക്യു ബൂസ്റ്റ് മൈൽഡ് ഹൈബ്രിഡ് സിസ്റ്റം ഫീച്ചർ ചെയ്യുന്ന ആദ്യത്തെ എഎംജി വി8 മോഡലാണിത് എന്നതാണ് മറ്റൊരു ആകർഷകമായ ഘടകം.കംഫർട്ട് ഡ്രൈവ് മോഡിൽ പ്രത്യേക വേഗതയിൽ സിലിണ്ടറുകളുടെ പകുതി എണ്ണം ഓഫ് ചെയ്യുവാൻ കഴിയും എന്നതാണ് മറ്റൊരു സവിശേഷത.

ജിഎൽഇ 63 എസ് എഎംജി കൂപ്പെയിൽ പ്രതീക്ഷ നൽകുന്ന നിരവധി സവിശേഷതകളും ഇതിനുണ്ട്. , വാഹനത്തിന്റെ ഉൾഭാഗത്ത്, മെഴ്‌സിഡസിന്റെ എംബിയുഎക്‌സ് ഇൻഫോടെയ്ൻമെന്റ് സിസ്റ്റം, രണ്ട് 12.3-ഇഞ്ച് സ്‌ക്രീനുകൾ വഴി എഎംജി നിർദ്ദിഷ്ട പ്രവർത്തനങ്ങളും ഡിസ്‌പ്ലേകളും പ്രവർത്തന സജ്ജമാക്കാൻ സാധിക്കും.

അപ്‌ഹോൾസ്റ്ററി മുതൽ ട്രിം ഫിനിഷറുകളും, സ്വിച്ച് ഗിയറും, സ്‌പോർട്ടി എഎംജി സ്റ്റിയറിംഗ് വീലും എന്നിവയുൾപ്പെടെ എഎംജി നിർദ്ദിഷ്ട മാറ്റങ്ങളുടെ ഒരു നിരതന്നെ വാഹനത്തിൽ ഒരുക്കിയിട്ടുണ്ട്. അക്ഷരാർത്ഥത്തിൽ വാഹന പ്രേമികൾക്ക് എന്തുകൊണ്ടും അംഗീകരിക്കാവുന്ന തരത്തിലുള്ള ഒന്നാണ് ഇവർ സജ്ജമാക്കിയിരിക്കുന്നത്."