ആരോഗ്യ സംരക്ഷണം ; മില്ക്കിബാറില് പാലിന്റെയും പഞ്ചസാരയുടെയും അളവിൽ മാറ്റം വരുത്തുന്നു
മില്ക്കിബാര് ചോക്ലേറ്റുകളിലെ പഞ്ചസാരയുടെ അളവ് കുറച്ച് പാലിന്റെ അളവ് കൂട്ടി നെസ്ലെ ഇന്ത്യ. ആരോഗ്യകരമായ ചേരുവകള് അടങ്ങിയ ഉല്പ്പന്നങ്ങള് രൂപപ്പെടുത്തുന്നതിന്റെ ഭാഗമായാണ് പുതിയ നടപടി. മൂന്നിലൊന്ന് ചോക്ലേറ്റ് ബാറുകള്ക്ക് എട്ട് ശതമാനം എന്നതോതില് പാലിന്റെ അളവ് കൂട്ടുന്നത് പഞ്ചസാരയുടെ തോത് 10 ശതമാനം കുറയാന് സഹായിക്കുന്നതായി നെസ്ലെ ഇന്ത്യ ജനറല് മാനേജര് (ചോക്ലേറ്റ്, മധുരപലഹാര വിഭാഗം) നിഖില് ചന്ദ് പറഞ്ഞു.
എല്ലാ ഉല്പ്പന്നനിരകളിലും കലോറിയില് മാത്രമല്ല വലിപ്പത്തിലും നിയന്ത്രണങ്ങള് ഉണ്ടായിരിക്കും, പകുതിയിലധികം ചോക്ലേറ്റ് ഉല്പ്പന്നങ്ങളുടേയും ഓരോ പാക്കില് 50 കലോറിയോളമുണ്ട്. ധാന്യങ്ങളും പരിപ്പും പഴധാന്യങ്ങളും ഉല്പ്പന്നങ്ങളിലേക്ക് എങ്ങനെ ഉള്ക്കൊള്ളിക്കാമെന്ന തുടര്ച്ചയായ വിലയിരുത്തലുകള് ഞങ്ങള് നടത്തുന്നുണ്ടെന്നും നിഖില് ചന്ദ് പറഞ്ഞു.
ചോക്ലേറ്റ് ആവരണം ചെയ്ത വേഫേഴ്സ് വിപണിയുടെ 65 ശതമാനവും കവരുന്നത് നെസ്ലെ ബ്രാന്ഡുകളായ കിറ്റ് കാറ്റ്, മഞ്ച് എന്നിവയാണ്. 7500 കോടിരൂപ മൂല്യം വരുന്ന ചോക്ലേറ്റ് ബിസിനസിലെ നാലിലൊന്നു വരും ചോക്ലേറ്റ് വേഫേഴ്സ് വിഭാഗത്തിന്റെ സംഭാവന.
https://www.facebook.com/Malayalivartha