സിബിഎസ്ഇ പത്ത്, പന്ത്രണ്ട് ക്ലാസുകളിലെ വാര്ഷിക പരീക്ഷ ഫെബ്രുവരി 15ന് തുടങ്ങും
സിബിഎസ്ഇ പത്ത്, പന്ത്രണ്ട് ക്ലാസുകളിലെ വാര്ഷിക പരീക്ഷ ഫെബ്രുവരി 15ന് തുടങ്ങും. 2025 അധ്യയന വര്ഷത്തെ പത്ത്, പന്ത്രണ്ട് ക്ലാസ് ബോര്ഡ് പരീക്ഷയുടെ ഡേറ്റാഷീറ്റ് സിബിഎസ്ഇ തയ്യാറാക്കി വരുന്നു. മുന്വര്ഷങ്ങളിലേതിന് സമാനമായി ഇത്തവണയും എഴുത്തുപരീക്ഷയാണ്.
മെയ്ന് പരീക്ഷയുടെ ഷെഡ്യൂളിനൊപ്പം പ്രാക്ടിക്കല് പരീക്ഷയുടെ ഡേറ്റാഷീറ്റും സിബിഎസ്ഇ പ്രത്യേകം തയ്യാറാക്കുകയും ചെയ്യും. പന്ത്രണ്ടാം ക്ലാസ് വിദ്യാര്ഥികളുടെ പ്രാക്ടിക്കല് പരീക്ഷയ്ക്ക് പുറത്തുനിന്നുള്ള എക്സാമിനര് ആണ് മേല്നോട്ടം വഹിക്കുക. പത്താംക്ലാസ് വിദ്യാര്ഥികള്ക്കായുള്ള പ്രാക്ടിക്കല് പരീക്ഷ അതത് സ്കൂളിലെ ടീച്ചര്മാരുടെ കീഴിലാണ് നടക്കുക.
പത്ത്, പന്ത്രണ്ടാം ക്ലാസ് ബോര്ഡ് പരീക്ഷയുടെ രജിസ്ട്രേഷന് തുടങ്ങി കഴിഞ്ഞു. സിബിഎസ്ഇയുടെ ഔദ്യോഗിക വെബ്സൈറ്റ് ആയ cbse.gov.in സന്ദര്ശിച്ച് വിദ്യാര്ഥികള്ക്കും രക്ഷിതാക്കള്ക്കും ഡേറ്റാ ഷീറ്റ് നോക്കാവുന്നതാണ്.
ലേറ്റസ്റ്റ് അനൗണ്സ്മെന്റ് സെക്ഷന് അല്ലെങ്കില് ഹോംപേജിലെ അക്കാദമിക് വെബ്സൈറ്റ് ലിങ്ക് എന്നിവ വഴി ഡേറ്റാഷീറ്റ് നോക്കാനുള്ള ക്രമീകരണമാണ് സജ്ജമാക്കുന്നത് .
https://www.facebook.com/Malayalivartha
