ഇന്ത്യന്‍ നേവിയിലെ അഗ്‌നിവീര്‍ എസ്എസ്ആര്‍, അഗ്‌നിവീര്‍ മെട്രിക് റിക്രൂട്‌മെന്റുകളിലേക്ക് ഏപ്രില്‍ 25 വരെ അപേക്ഷിക്കാം. 2/2025, 1/2026, 2/2026 എന്നീ ബാച്ചുകളിലേക്ക് ആണ് പ്രവേശനം. 550 രൂപയും 18 ശതമാനം ജിഎസ്ടിയും ചേര്‍ന്നാണ് ഫീസ്. ഇത് ഓണ്‍ലൈനായി അടയ്ക്കാവുന്നതാണ്.

നാലു വര്‍ഷത്തേക്കാണ് നിയമനം ഉണ്ടാകുക. അഗ്‌നിവീര്‍ 2/2025 ബാച്ചിലുള്ളവര്‍ക്ക് സെപ്റ്റംബറിലായിരിക്കും പരിശീലനം ഉണ്ടാകുക. 1/2026 ബാച്ചുകാര്‍ക്ക് അടുത്ത വര്‍ഷം ഫെബ്രുവരിയിലും 2/2026 ബാച്ചുകാര്‍ക്ക് ജൂലൈയിലും പരിശീലനം ലഭിക്കും.

ഒഡീഷയിലെ ഐഎന്‍എസ് ചില്‍കയില്‍ ആയിരിക്കും പരിശീലനം നല്‍കുന്നത്. കൂടാതെ സെയ്‌ലര്‍ തസ്തികയില്‍ റഗുലര്‍ നിയമനത്തിനുള്ള അവസരവും ഉണ്ട്. കൂടുതല്‍ വിവരങ്ങള്‍ക്ക്  www.joinindiannavy.gov.in സന്ദര്‍ശിക്കുക.