കെ.എസ്.ആര്‍.ടി.സി സ്വിഫ്റ്റ് ബസുകള്‍ സര്‍വിസ് നടത്തുന്നതിന് ഡ്രൈവര്‍ കം കണ്ടക്ടര്‍ തസ്തികയില്‍ കരാര്‍ വ്യവസ്ഥയില്‍ നിയമനം നടത്തുന്നു. 30,000 രൂപ സെക്യൂരിറ്റി ഡെപ്പോസിറ്റ് നല്‍കേണ്ടതാണ്.യോഗ്യത: ഹെവി ഡ്രൈവിങ് ലൈസന്‍സുണ്ടായിരിക്കണം (തെരഞ്ഞെടുക്കപ്പെടുന്ന പക്ഷം കണ്ടക്ടര്‍ ലൈസന്‍സ് നേടണം). പത്താം ക്ലാസ് പാസായിരിക്കണം. ഹെവി പാസഞ്ചര്‍ വാഹനങ്ങളില്‍ അഞ്ചു വര്‍ഷത്തില്‍ കുറയാതെ ഡ്രൈവിങ് പരിചയം വേണം.


പ്രായപരിധി 24-55 വയസ്സ്. വാഹനങ്ങളുടെ പ്രവര്‍ത്തനത്തെപ്പറ്റിയുള്ള അറിവും ചെറിയ തകരാറുകള്‍ പരിഹരിക്കാനുള്ള അറിവും അഭികാമ്യം. നല്ല കാഴ്ചശക്തിയും ആരോഗ്യവും ഉണ്ടായിരിക്കണം.വിജ്ഞാപനം www.cmd.kerala.gov.in ൽ   ലഭിക്കും. ഓണ്‍ലൈനില്‍ ജൂണ്‍ 10 വൈകുന്നേരം 5 മണി വരെ അപേക്ഷിക്കാവുന്നതാണ്.അപേക്ഷകരെ ഷോര്‍ട്ട്‌ലിസ്റ്റ് ചെയ്ത് എഴുത്തുപരീക്ഷയും ഡ്രൈവിങ് ടെസ്റ്റും ഇന്റര്‍വ്യൂവും നടത്തി റാങ്ക് ലിസ്റ്റ് തയാറാക്കിയാണ് നിയമനം നടത്തുക.

റാങ്ക് ലിസ്റ്റിന്റെ കാലാവധി ഒരുവര്‍ഷമായിരിക്കും. വേതനം: എട്ടു മണിക്കൂര്‍ ഡ്യൂട്ടിക്ക് 715 രൂപ. അധിക മണിക്കൂറിന് 130 രൂപ അലവന്‍സായി നല്‍കും. നിലവിലുള്ള ഇന്‍സെന്റിവ്/ ബത്തയും ലഭ്യമാകും. സേവന വേതന വ്യവസ്ഥകള്‍ വിജ്ഞാപനത്തിലുണ്ട്.